Qaraǵandy oblysynda ótken táýlik ishinde 41 adamnyń COVID-19 indetin juqtyrǵany belgili boldy, - dep habarlady oblys ákiminiń baspasóz qyzmeti.
Naýqastardyń barlyǵy Qaraǵandy qalasynyń turǵyndary. Olar buryn juqtyrǵandarmen jaqyn qarym-qatynasta bolǵan adamdardy tekserý kezinde jáne skrınıng barysynda anyqtaldy.
Pasıentter ınfeksııalyq stasıonarǵa jatqyzyldy. Qazirgi ýaqytta olardyń densaýlyq jaǵdaıy qanaǵattanarlyq, emdeý amaldary júrgizilýde. Indet oshaqtarynda dezınfeksııa júrgizildi.
Sońǵy túsken málimetterge saı, Qaraǵandy oblysynda jalpy sany 1188 adamnyń KVI juqtyrǵany zerthanalyq negizde rastalǵan. Onyń ishinde alty naýqas pandemııadan qaıtys boldy jáne 477 adam jazylyp, úı karantınine shyǵaryldy.