Karantın báseńdegenmen, tártip kúsheıgen

Sondaı-aq 8 maýsymnan bastap mektepten tys qo­symsha bilim berý nysandary jáne eresekter men ba­la­lar­ǵa arnalǵan damý orta­lyq­ta­ry­nyń qyzmeti qaıta jandana bastady. Oblysta COVID-19 indeti bo­ıynsha is-sharalardy oryndaýdy qamtamasyz etý maq­satynda 65 mobıldi top qu­ryldy. Olardyń qu­ra­myna ob­lys­tyq taýarlar men kórsetiletin qyz­­met­terdiń sapasy men qaýipsizdigin baqy­laý bas­qarmasynyń mamandary, polı­sııa bólimderiniń, «At­ameken» kásip­kerlik palatasynyń, jergilikti at­qa­­rýshy organdardyń ókilderi kirdi.

Bul yqsham toptar dezınfeksııalyq is-sha­ra­lar­dyń saqtalýyna kúni-túni baqylaý jasaıdy. De­zınfeksııalyq rejimdi saqtamaı, tártip buzǵan ny­­­san­­darǵa qatysty ákimshilik qatań jaza­lar qol­da­­­nylady. Tipti kerek bolǵan jaǵdaıda olardyń ju­­­mysy toq­tatylýy da múmkin.

Qa­ra­ǵandy oblysynyń bas memle­ket­tik sa­nıtarlyq dárigeriniń qaýly­syn­daǵy sa­nıtarlyq-dezın­fek­sııa­lyq rejimniń talaptaryn saqtaý máse­lesi boıynsha mindetterdi oryn­daý maqsatynda júrgizilgen reıd­ter 7934 nysandy qamtydy.

Tótenshe jaǵdaılar rejimi kezinde sanıtarlyq-epı­­demııalyq jáne dezınfeksııalyq is-sharalardy saq­­taý barysynda tártip buzǵan nysandar bo­ıynsha 406 isti sot organdarynyń qaraýyna ji­ber­di. Munyń ishinde 111 is boıynsha ákimshilik qa­­maý sharasy qoldanyldy, 265 iske qatysty 10 AEK mólsherinde ákimshilik aıyppul salyndy. Toǵyz is boıynsha eskertý jasalyp, qazir sot qa­raýyn­­da bir is jatyr. Elimizde tótenshe jaǵdaı reji­mi aıaq­tal­ǵandyqtan, 20 ákimshilik is qaralǵan joq.

Tótenshe jaǵdaı aıaqtalǵan soń, nysan­dar ju­my­sy qaıta jandan­ǵan­­nan keıin Ákimshilik-quqyq­­bu­­zý­shylyq tý­raly kodeksiniń 462-baby, 3-tar­ma­ǵy boıynsha 10 tártip buzý­shy­lyq anyq­ta­lyp, sa­nıtarlyq qyzmet organdary atalǵan fak­ti­ler bo­ıynsha 10 isti sot organdarynyń qaraýyna ji­berdi.

Buǵan qosa, jer-jerde turǵyndar arasynda jáne barlyq menshik túrin­de­gi nysandarda túsindirý jumystary jú­rgizilýde.

KVI indetiniń turǵyndar arasynda taralýynyń jalǵasýyna baılanysty jolaýshylardy tasymaldaý bo­ıynsha qalaishilik qoǵamdyq kólikterdi sanı­tar­lyq-dezınfeksııalyq rejimdi saqtaý jáne óńdeý jumystaryn júr­gi­zý aıasynda baqylaý kúsheıtildi.

Búginge deıin 508 avtokólik tek­se­rildi. Onyń ishinde 505 avtobýsta dezınfeksııalyq quraldardy paı­­da­lanyp óńdeý júrgizý, júrgizý­shi­ler men kondýktorlardyń jáne jolaýshylardyń salmaq rejimin saq­ta­ýy boıynsha tekserýler júr­gi­zil­di. Qalǵan úsh kólik boıynsha qaýly ta­laptaryn oryndaý jáne saqtaý tý­ra­ly avtokólik qyzmetkerlerine es­ker­tý jasaldy.

Oblys aýmaǵynda karantınniń je­ńildetilýine jáne mobıldi top­tar­dyń qaıta qurylýyna baılanysty 2020 jyldyń 18 mamyrynan bastap 8856 nysanǵa qaýly tabys etildi. Sanı­tarlyq-aǵartý jumystary bo­ıyn­­sha áńgimelesý, dáris oqý, beıne ro­lıkter túsirý, BAQ pen áleýmettik jelilerde jarııa etý túrindegi 9955 is-shara uıymdastyryldy.

Bir sózben aıtqanda, Qaraǵandy oblysynda bas memlekettik sanıtarlyq dárigerdiń qaýlysyndaǵy talaptar men mindetterdi oryndaý boıynsha is-sharalar júıeli túrde jalǵasyn tap­qan.

Qaraǵandy oblysy