Almatyda koronavırýstyq ınfeksııaǵa skrınıng júrgizýge arnalǵan joǵary tehnologııalyq jańa zerthana ashyldy. Bul megapolıste COVID-19-dyń aldyn alýǵa arnalǵan jetinshi laboratorııa, - dep jazady Egemen.kz
Almaty qalasynyń ákimi "Atakent" QIYOaýmaǵynda ornalasqan, koronavırýsqa jedel jáne joǵary dáldikpen PTR-test jasaıtyn modýldik laboratorııa kesheniniń ashylýyna qatysty.
"COVID-19-dy anyqtaý úshin kúsh salýdamyz. B.О́temuratovtyń qory bergen joǵary tehnologııalyq zerthana ashyldy. Jumyssyzdar, az qamtylǵan jáne kópbalaly otbasynyń músheleri, múmkindigi shekteýli adamdar, josparly emdeýge jatqyzylatyn emdelýshiler men 50 jastan asqan, tynys alý organdary men endokrındik jáne júrek-qantamyr júıesi aýrýlarymen esepte turǵan naýqastar, epıdemııaǵa qarsy is-qımylǵa qatysatyn qaýip tobyndaǵy adamdarǵa tegin test júrgiziledi" dedi qala basshysy.
"Modýldik keshen kúnine myń zertteý júrgizýge qaýqarly. Aldaǵy ýaqytta bes myńǵa deıin arttyrý múmkindigi bar. Bul — qaladaǵy jetinshi zerthana. B.О́temuratovqa jáne onyń barlyq komandasyna COVID-19-ben kúreske qosqan úlesi úshin alǵys aıtamyn. Keshendi jumys koronavırýsty jappaı juqtyrýǵa tosqaýyl bolyp, onyń órship ketpeýine jáne epıdemıologııalyq jaǵdaıdy baqylaýda ustaýǵa múmkindik beredi", dedi Baqytjan Saǵyntaev.
ALMATY