Túrkistan oblystyq balalar aýrýhanasyna Saıram aýdanynan týǵanyna nebári 11 kún bolǵan sábı aýyr halde jetkizilgen. Medısınalyq jedel-járdem qyzmetimen jetken shaqalaqtyń dene qyzýy kóterilip, entigý belgileri bolǵan. Ol birden jansaqtaý bólimine jatqyzyldy, - dep habarlaıdy Egemen.kz.
Dárigerler júrgizgen dıagnostıkalyq zertteýlerdiń nátıjesinde nárestede týa bitken júrek aqaýy belgileri, oǵan qosa pnevmonııa men koronavırýs ınfeksııasyna shaldyqqany anyqtalǵan. Oblystyq balalar aýrýhanasynyń kardıohırýrgy Almat Baısalov jetekshilik etken bilikti dárigerler quramy asa mańyzdy sheshim qabyldap, shuǵyl túrde ota jasaýǵa bel býady. Eki saǵatqa sozylǵan operasııa sátti ótti. Bala aman.
Koronavırýs ınfeksııasynyń taralýyna jol bermes úshin dárigerler operasııany arnaıy ota zalynda emes, jansaqtaý bóliminde júrgizgen. Sábı áli de sol jerde em qabyldaýda. Oǵan jeke dáriger men medbıke bekitilgen.