Kenshiler astanasynda tótenshe jaǵdaı rejimi men karantındik shekteýler kezinde BizBirgemiz respýblıkalyq qaıyrymdylyq aksııasyna qatysyp, belsendiligimen kózge túsken bir top eriktige Tuńǵysh Prezıdent Nursultan Nazarbaevtyń atynan "Alǵys hattar" tabys etildi, – dep habarlaıdy Egemen.kz.
Marapattalǵan 81 eriktiniń qatarynda Saryarqa Jastary shtabynyń volonterleri jáne Nur Otan partııasy fılıaldarynyń qyzmetkerleri de boldy. Olar tótenshe jaǵdaı kezinde oblystyń muqtaj turǵyndaryna kómek qolyn sozyp, ýaqytpen sanaspaı kóp jumysty atqardy.
Eńbegi elengen eriktilerdi quttyqtaǵan oblys ákimi Jeńis Qasymbek volonterlerdiń medısına qyzmetkerleri, tártip saqshylary, áskerıler, sondaı-aq koronovırýspen kúres boıynsha aldyńǵy qatarda bolǵan barlyq azamattarmen birge osynaý kúrdeli kezeńniń qaharmandaryna aınalǵanyn atap ótti.
"Sizder úshin eriktilik qyzmeti – qoǵam ıgiligi úshin jasalyp jatqan kúndelikti eńbek. Men sizderge osy jalyndy talpynystaryńyzdy saqtap qalýdy, jan-dúnıeniń tamasha yntasyn joǵaltpaı, shabyt pen jigerdi basqalarǵa kómektesý úshin jumsaýlaryńyzdy tileımin. Al biz sizderdi árdaıym qoldaıtyn bolamyz", – dedi ol.
О́ńirde tótenshe jaǵdaı kezinde adamgershilikke toly is-sharalar leginiń kóp bolǵanyn aıtqan lázim. Mysaly, oblystyq shtabtyń eriktileri Temirtaý qalasyndaǵy ortalyq aýrýhananyń qoldaýymen bir aı boıy anasyn kórmegen segiz jasar balany Qaraǵandyǵa jetkizdi. Eriktiler men demeýshilerdiń kúshimen úsh balasymen dalada qalǵan otbasyna úı tabyldy. Baspanany jıhazben, tehnıkamen jabdyqtap, bilim berý basqarmasymen birlesip balalardy qashyqtan oqytý úshin jaǵdaı jasap, ınternet qosyp, derbes kompıýter ornatyp berdi.
Saryarqa Jastary shtabynyń eriktisi Symbat Áýbákirova bes jyl boıy adamdarǵa rııasyz kómek kórsetip keledi. Ol erikti bolýdyń búkil ómiriniń máni ekenin aıtady.
"Qıyn kezeńde qarııalar men múmkindigi shekteýli adamdarǵa azyq-túlik, dári-dármek jetkizdik. Bizdiń demeýshilerimizdiń arqasynda kóptegen muqtaj qaraǵandylyqtar tegin azyq-túlik sebetterin aldy. Osy ıgi isimdi ári qaraı da jalǵastyrsam deımin. Jaqsy ister úshin eshqandaı jas shekteýleri joq", – deıdi Symbat.
Eske salsaq, tótenshe jaǵdaı rejimi men karantındik shekteýler kezinde Qaraǵandy oblysynda barlyǵy 12 500 otbasy jalpy quny 200 mln teńge bolatyn kómek aldy.
Qaraǵandy oblysy