Mańǵystaý oblysynda týystary men quqyq qorǵaýshylaryna sottalǵandardyń jazasyn qalaı óteıtini kórsetildi, - dep habarlaıdy Egemen.kz.
Quqyq qorǵaý uıymdarynyń ókilderi karantınge baılanysty barlyq sanepıdemıologııalyq sharalardy saqtaı otyryp, Mańǵystaý oblysyndaǵy kolonııaǵa bardy. Budan buryn, Mańǵystaý oblysy boıynsha QAJ departamentiniń GM-172/6 mekemesiniń janynda osy mekemege ásker engizip, sottalǵandardy urǵan degen sybystarmen bir top týystarynyń jınalǵany habarlanǵan bolatyn. Beınejazbaǵa túsire otyryp, Ulttyq aldyn alý tetiginiń ókili sottalǵandardan mekemege áskerdiń engizilgeni týraly surastyryp, bul suraǵyna sottalǵandar teriske shyǵaryp jaýap bergen. Quqyq qorǵaý uıymdarynyń ókilderi ashanaǵa, demalys klýbyna, jatyn bólmelerge bardy. Árbir úı-jaıda sottalǵandarmen sóılesip, ózderiniń jazasyn qandaı jaǵdaıda óteıtinderi týraly tolyq suraqtar qoıyldy. Aralaýdan keıin, UAT ókilderi týystary mekemeniń janyna jınalǵan árbir sottalǵandarmen áńgimelesti. Olardyń árqaısysynan, olardy qyzmetkerler nemese sottalǵandarmen tarapynan uryp-soǵýdyń oryn alǵandyǵy, álde almaǵandyǵy jaıly suraldy.
Sondaı-aq áńgimege budan buryn telearnada kórsetilgen vıdeoúndeý jasaǵan sottalǵan adam da shaqyrtyldy. Quqyqqorǵaýshylar kináli adamdardy jazalaýdyń bultartpastyǵy týraly málimdep, ótinish jazýdy usyndy, alaıda onyń óziniń sózderin ótirik dep tapqan jaǵdaıda jaýapkershilikke tartylatyny týraly eskertti. Quqyqqorǵaýshylardyń bul usynysyna sottalýshy bas tartýmen jaýap berdi.
Sonymen qatar, mekeme ókilderi de osy derek boıynsha sottalǵannyń aǵasynyń aryzy boıynsha qylmystyq is qozǵalǵandyǵyn aıtty. Qazir bul materıal odan ári prosessýaldyq anyqtaý úshin oblystyq prokýratýrada. Aralaýdan keıin, Mańǵystaý oblysy boıynsha qylmystyq - atqarý júıesi departamenti ǵımaratynda, aralaý kezindegi beınejazbany kórsete otyryp sottalǵandardyń týystarymen kezdesý ótip, týyndaǵan suraqtaryna jaýaptar berildi.
Mańǵystaý oblysy