Kókshetaýdaǵy oblystyq qan ortalyǵynyń mamandary temirjol vokzalynyń ujymymen birlesip, jyl saıyn "Qan tapsyryp, ómirdi saqta!" atty aksııa uıymdastyrýda, - dep habarlaıdy Egemen.kz.
Qan tapsyrýǵa nıettilerdiń qatary kóp. Volonterlar jyly aıasynda "Qazaqstan temir joly" ulttyq kompanııasy "2020 qaıyrymdy is" aksııasyn bastap ketti.
"Atalmysh baǵdarlama ár kompanııada estafeta túrinde ótýde. Bir ońdysy – qyzmetkerlerimiz qýana-qýana atsalysýda. Naýqas jandarǵa kómegimiz tıedi degen úmittemiz", – deıdi Kókshetaý temirjol vokzalynyń bastyǵy Roza Arystanqyzy.
Qazaqstanda kepildendirilgen medısınalyq kómek aıasynda donorlarǵa keıbir keń taralǵan aýrýlardy, gemoglabın deńgeıin anyqtaýǵa arnalǵan testerdiń nátıjeleri tegin beriledi. Sondaı-aq qan toby men rezýs-faktoryn anyqtap beredi.
"Men ózim de donormyn. Qan tapsyrýdy sharapaty mol qaıyrymdylyq dep sanaımyn. О́ıtkeni, ózińniń osy áreketiń arqyly ózgege ómir syılaıtyn jaǵdaılar kóp kezdesedi. Ádette medısınalyq emdeý mekemeleriniń bosaný bólimindegi analarǵa, onkologııa, gemotologııa bóiliminiń, túrli jaraqat alǵan naýqastarǵa qan quıý qajet bolyp jatady", – deıdi oblystyq qan ortalyǵynyń mamany Dına Sháripova.
О́tken jylda qan ortalyǵyna 8 myń erikti qan tapsyrýǵa kelgen. Onyń 6 myńnan astamy donor atanǵan.
Kókshetaý qalasy