UBT: Túlekter úshin qandaı jeńildikter engizildi?

Ulttyq testileý ortalyǵynyń saıtynda ár pán boıynsha daıyndyq testileriniń 70 biregeı nusqasy tegin ornalastyryldy; Qashyqtan oqytý jaǵdaıynda memlekettik bitirý emtıhandary ótkizilmedi, al attestattar jyldyq baǵalar negizinde berildi; Mektep bitirýshileri IV toqsanda ótken materıaldy qaıtalap, bekitedi, sondyqtan UBT-da 11 synyptaǵy sońǵy toqsannyń suraqtary bolmaıdy; UBT tapsyrý barysynda kalkýlıator qoldanýǵa ruqsat etildi, olar ústelderde turady. Biraq talapker ózi qalaǵan qurylǵyny ózimen birge ákele almaıdy. Kalkýlıator UBT tapsyrý oryndarynda ǵana beriledi. Testileý ýaqyty 4 saǵatqa uzartyldy. О́tken jylmen salystyrǵanda UBT tapsyrýshylardyń sany 12%-ǵa artqan. О́tinishter alǵash ret onlaın qabyldandy.

Bilim berý grantyn taǵaıyndaý konkýrsyna qatysý úshin nemese aqyly negizde oqýǵa túsý úshin qajetti UBT-nyń shekti baly belgilendi. Sondaı-aq akademııalyq kezeń aıaqtalǵanǵa deıin qabyldanǵan UBT shekti balyn jınamaǵan tulǵalar endi jyl boıy UBT tapsyrý múmkindigine ıe. Pedagogıkalyq mamandyqtarǵa túsý úshin talap kúsheıtildi, ıaǵnı oqýǵa túsý úshin shekti baly 70-ke deıin kóterildi.