О́ńirlik kommýnıkasııalar qyzmetiniń habarlaýynsha, Atyraý qalasynda sáýirden beri kópqabatty 1188 turǵyn úıdiń jertólesi men kireberisterine dezınseksııalaý júrgizildi, - dep habarlaıdy Egemen.kz.
"Qaladaǵy dezınseksııalyq jumystarǵa alty brıgada jumyldyryldy. Olardyń ekeýi tańǵy saǵat 9:00-den keshki saǵat 18:00-ge deıin jumys isteıdi. Bul brıgadalar kópqabatty úılerdegi jertóle men kireberisterinde zııankestermen kúresedi. Al, tórt brıgada keshki saǵat 20:00-den túngi saǵat 02:00-ge deıin qala kóshelerinde, ashyq sý qoımalarynda, saıabaqtarda, mádenıet jáne demalys oryndarynda, sondaı-aq, qala mańyndaǵy aýyldyq okrýgterde tazalaý jumystaryn júrgizedi", - deıdi etnomolog-maman Aınagúl Dáýletıarova.
Onyń málim etýinshe, PIK qurylmaǵan úılerge dezınseksııa jumysy senbi men jeksenbide jasalady. Al, PIK qyzmet kórsetetin turǵyn úılerde masaǵa qarsy ýlaý aıyna bir ret júrgiziledi. Osyǵan oraı mamandar áleýmettik jelilerde arnaıy chattar ashyp, turǵyndardyń jumys sapasyn baqylaýyna múmkindik jasap otyr.
"Bizdiń jumysymyzdy qalalyq ákimdikpen birge, turǵyndar da baqylaı alady. Turǵyndardyń ýlaý jumystaryna kóńili tolmasa, Telegram-chatqa jazýyna, jumys barysyn tekserýine múmkindigi bar", - deıdi Aınagúl Daýletıarova.