Demalys kúnderi óńirde on bir orman órti oryn aldy, - dep habarlaıdy pavlodarnews.kz tilshisi.
Bul týraly tótenshe jaǵdaılar departamenti bastyǵynyń mindetin atqarýshy Samat Asaıynov baspasóz konferensııasynda málimdedi.
"О́rt qaýipti kezeń bastalǵannan beri oblystyń memlekettik orman qory aýmaǵynda 64 órt oqıǵasy tirkeldi", - deıdi Samat Asaıynov.
О́rttiń jalpy aýmaǵy 1636,7 gektardy qurady. Saldarynan keltirilgen materıaldyq shyǵyn 11 mıllıonnan astam teńgeni qurady. О́tken demalys kúnderi oblys ormandarynda 11 órt oqıǵasy boldy. Boljam boıynsha, tilsiz jaý naızaǵaıdyń túsýinen shyqqan. Eń iri órt - 150 gektar Galkın aýyldyq okrýginde oryn aldy. Budan basqa, Baıanaýyl ulttyq parkinde keshe órt boldy. Keshke qaraı 80 ga janǵany týraly habarlama tústi.
Spıkerdiń aıtýynsha, órttiń basym bóligi "Ertis ormany" rezervatynyń aýmaǵynda tirkelgen. Rezervatta toǵyz órt bolǵan. Onyń ishinde jalǵyz ósip turǵan aǵashtardyń janýy da bar. О́rtterdiń aýmaǵy 150 gektardan asa jerdi qurady, qurǵaq shóppen birge qaraǵaıdyń janýy da tirkeldi.
"Qazirgi kezde órttiń shyǵý sebepteri men alańyn anyqtaý jáne tekserý jumystaryn júrgizý úshin arnaıy oblystyq komıssııa quryldy", - deıdi Samat Asaıynov.
"Ertis ormany" rezervaty aýmaǵyndaǵy órtti sóndirýge on segiz tehnıka, bir MI-2 tikushaǵy jáne 48 adam jumyldyryldy.