Vaksına shyǵaratyn zaýyt salynady

Úkimet basshysy Qordaı aýdanynyń Gvardeı­skıı kentinde Bıologııalyq qaýipsiz­dik máseleleri ǵylymı-zertteý ınstıtý­tynyń janyndaǵy vaksına shyǵaratyn bıofarmasevtıkalyq zaýyttyń qurylysyn bastap berdi. Atalǵan zaýyt tıisti óndiristik tájirıbeniń halyqaralyq standarty boıyn­sha ımmýnobıologııalyq dári-dármek­ter, onyń ishinde koronavırýs ınfeksııasy­na qarsy vaksına shyǵarmaq. Qazir ınstı­týt­tyń koronavırýs indetine qarsy kan­dı­dattyq vaksınasy DDU tizimine en­gi­zil­gen jáne klınıkaǵa deıingi synaqtan sátti ótýde. Sondaı-aq kásiporynda pande­mııalyq tumaýǵa, týberkýlezge, brýsellezge, nodýlıarlyq dermatıtke, kúıis qaıyratyn usaq janýarlar obasyna, qoı men eshkiniń kontagıozdy ektımasyna, qoı sheshegine, qutyrmaǵa jáne basqa da juqpaly aýrýlarǵa qarsy vaksınalar shy­ǵarylady. Qurylys jumystaryn bıyl  jel­toqsan aıynda aıaqtaý jáne jyl saıyn bıofarmasevtıkalyq preparattardyń 60 mln dozasyna deıin óndirý kózdelgen.

Qazirgi ýaqytta ǵylymı-zertteý ınstıtý­ty 5 zerthana bazasynda otandyq vaksına­lardyń 67 túrin óndirgen. Onyń ishinde densaýlyq saqtaý salasy úshin joǵary patogendi qus tumaýyna jáne joǵary patogendi shoshqa tumaýyna, sondaı-aq aýyl sharýashylyǵy salasy úshin qus tumaýyna jáne brýsellezge qarsy jańa vektorlyq vaksına bar. Bıyl aýsyl aýrýyna qarsy vaksına jáne 4 koronavırýs ınfeksııasyna qarsy vaksına ázirlenýde. Sonymen qatar atalǵan ınstıtýt shetelge vaksınalar jetkizýshi retinde Keden odaǵynyń tizimine engizilgen. Islam Yntymaqtastyǵy Uıymyna múshe memleketterdiń vaksınalardy óndirýshiler tobyna kiredi.

Jalpy, 2020 jyldyń 5 aıynda Jambyl oblysynyń ekonomıkasy turaqty ósim kórsetti. О́ńirde «Nurly jer», «Nurly jol», IIDMB, «Qarapaıym zattar ekonomıkasy», «Jumyspen qamtýdyń jol kartasy-2020» jáne basqa da damý baǵdarlamalary belsendi túrde júzege asyrylýda. Ekonomıkanyń barlyq derlik segmentinde oń qarqyn baıqalady – ótken jyldyń tıisti kezeńimen salystyrǵanda aýyl sharýashylyǵy jáne mal sharýashylyǵy 2,9%-ǵa, negizgi kapıtalǵa salynǵan ınvestısııalar 2,6%-ǵa, qurylys kólemi 8,7%-ǵa ósti.

Bıyl Jambyl oblysynda 550 myń sharshy metrge jýyq turǵyn úı paıdalanýǵa beriledi, 34 sýmen jabdyqtaý nysanyn paıdalanýǵa berý josparlanǵan. Jergilikti mańyzy bar avtojoldardy jóndeý boıynsha 23 joba iske asyrylýda, onyń ishinde «Taraz qalasynan Qyrǵyzstan shekarasyna deıingi ońtústik aınalma jol» avtojolyn salý», «Taraz – Sarykemer – Túımekent – Aqsholaq» oblystyq mańyzy bar avtomobıl jolyn rekonstrýksııalaý», «Taraz – Jetibaı – Tegistik – Oıyq» avtomobıl jolyn rekonstrýksııalaý» jobalary bar. О́ńirde jalpy somasy 1051,6 mlrd teńgege 24 ınvestısııalyq joba júze­ge asyrylyp jatyr. «Qarapaıym zat­tar ekonomıkasy» baǵdarlamasy boıyn­sha 68,6 mlrd teńgege 114 joba maquldan­dy, onyń ishinde 2,2 mlrd teńgege 89 joba qarjy­landy­ryldy. Osy jyldyń 1 maýsymyndaǵy jaǵdaı boıynsha jumyspen 17 myń adam qam­tyldy. «Jumyspen qamtýdyń jol karta­sy» baǵdarlamasy aıasynda 831 ınfraqu­rylymdyq joba júzege asyrylýda.

Memleket basshysynyń tapsyrmasy boıynsha Jambyl oblysynda aýylda kooperasııalyq tizbekti damytý jónindegi «Alańnan sórege deıin»  jobasy júzege asyrylyp jatyr. Ol aýyl sharýashylyǵy ónimderiniń ımportyn qysqartýǵa, baǵany turaqtandyrýǵa jáne otandyq óndirýshilerdi qoldaýǵa baǵyttalǵan. Azyq-túlik taýarlaryn turaqty satyp alýdy qamtamasyz etýge 50 saýda orny men kóterme-taratý ortalyǵy, sondaı-aq 21 óńdeý kásiporny, 45 sharýa qojalyǵy men 10 kooperatıv qatysady. Osy jyldyń sońyna deıin Qarakemer, Aýqatty, Bular batyr, Sortóbe, Masanchı, Qarasý, О́tegen syndy 7 aýyl gazdandyrylady.

«Nurly jer» memlekettik baǵdarlamasy aıasyndaǵy Qyrǵyzstanmen shekaradaǵy «Qordaı» shekara ótkelin rekonstrýksııa­laý jumysy jolaýshylar aǵynyn 4 esege, al avtokóliktiń memlekettik shekara arqyly ótkizý qabiletin 2,5 esege art­tyrýǵa múmkindik beredi. Qurylys jumys­taryn bıyl jeltoqsan aıynda aıaqtaý kózdel­gen.

Jambyl oblysy