2020 jylǵy qańtar-mamyr aılarynda 6,5 myń múgedektigi bar adam Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan "Eńbek" memlekettik baǵdarlamasyna qatysýshylar quramyna qosyldy, onyń ishinde turaqty jumys oryndaryna – 2 myńǵa jýyq adam, ýaqytsha jumysqa – 4,5 myń adam ornalastyryldy, - dep habarlaıdy Eńbek jáne halyqty áleýmettik qorǵaý mınıstrliginiń baspasóz qyzmeti.
"Eńbek" memlekettik baǵdarlamasy sheńberinde 29 adam mıkrokredıt aldy, onyń 24-si jeke isin ashty, 106 adam grant aldy.
Sonymen qatar "Halyqty jumyspen qamtý týraly" Zańǵa (budan ári - Zań) sáıkes, jergilikti atqarýshy organdar eńbek jaǵdaılary aýyr, zııandy, qaýipti jumys oryndaryn esepke almaǵanda, múgedekterge arnalǵan jumys oryndaryna jumys oryndarynyń sanynan eki-tórt paıyz mólsherinde kvota belgileý arqyly halyqty jumyspen qamtý salasyndaǵy memlekettik saıasatty iske asyrýdy qamtamasyz etedi.
Zań normalaryn júzege asyrý kezinde Múgedekterge arnalǵan jumys oryndaryn kvotalaý qaǵıdalary bekitildi. 2020 jyldyń 1-toqsanynyń qorytyndysy boıynsha kvota boıynsha 12 myń adamdy jumysqa ornalastyrý belgilengen, onyń ishinde 3 myń múgedek jumysqa ornalastyryldy.
Osy jyly respýblıkalyq bıýdjetten kórý, estý qabileti jáne tirek-qımyl apparaty buzylǵan múgedekter úshin 31 arnaıy jumys ornyn qurýǵa 34,3 mln teńge qarastyrylǵan.
Esterińizge sala keteıik, Qazaqstanda 695 myń múgedek turady, onyń ishinde 424 myńy eńbekke qabiletti jasta (61%), 112 myń adam jumys isteıdi.