Jaqynda Aıagóz qalasynda bolǵanymyzda ortalyq alańǵa mahabbattyń sımvoly – Qozy Kórpesh-Baıan sulýǵa eńseli eskertkish qoıylǵanyn kórdik. Eskertkishtiń etegi gúlge toly eken. Soǵan qaraǵanda, munda jastar, ásirese, jas jubaılar jıi keletin sııaqty.
Jaqynda Aıagóz qalasynda bolǵanymyzda ortalyq alańǵa mahabbattyń sımvoly – Qozy Kórpesh-Baıan sulýǵa eńseli eskertkish qoıylǵanyn kórdik. Eskertkishtiń etegi gúlge toly eken. Soǵan qaraǵanda, munda jastar, ásirese, jas jubaılar jıi keletin sııaqty.
– Eskertkishtiń ortalyq alańda qoıylýynda jastarǵa tárbıe beretindeı úlken mán bar, – deıdi Aıagóz aýdanynyń ákimi Nurbol Nurǵalıev bizben áńgimesinde. – Qozy Kórpesh-Baıan sulý atyndaǵy mádenıet úıi eskertkish ornatylǵan jerden alys emes. Oǵan jóndeý jumystary júrip jatyr. Qalanyń ortalyq alańynyń da kúrdeli jóndeýden ótip jatqanyn kórip tursyzdar. Aıagóz toǵyz joldyń torabynda ornalasqandyqtan keletin qonaqtar aldynda júzimiz jarqyn bolsyn degen nıetpen basqa da mádenı sharalar júzege asyrylýda.
Qazir Aıagóz qalasynda 38 myń, aýdanda 70 myńnan astam turǵyn bar. Aýdannyń ekonomıkasy órkendep keledi. Jyl basynan beri 3 mıllıard 123,9 mıllıon teńgeniń ónerkásip ónimderi shyǵaryldy. Qurylysy qarqyndy salynyp jatqan Aqtoǵaı ken-baıytý kombınaty eki jyldan keıin iske qosylyp, onda óńirde turatyn bir jarym myń adam jumyspen qamtamasyz etilmek.
Ońdasyn ELÝBAI,
«Egemen Qazaqstan».
Shyǵys Qazaqstan oblysy.
Aıagóz aýdany.
––––––––––––––––
Sýretti túsirgen avtor.