Kezinde úndis fermeri erekshe boıaýly tuqymy bar sobyqtardy jınaý arqyly túrli-tústi júgeri ósirip shyǵarǵan eken. Bul týraly Paranormal-news.ru habarlady.
Qazirgi ýaqytta túrli-tústi júgeriniń tuqymyn ınternet arqyly tapsyrys berip, satyp alýǵa bolady. Bul astyqtyń birinshi ónimi AQSh-tyń Oklahoma shtatynda jınaldy. Ony arǵy atalary úndisterdiń chırokı taıpasynan shyqqan fermer Karl Barns ósirdi. Ol uzaq jyldar boıy ter tógip, aqyry túrli-tústi dánderi bar júgeri ósirip shyǵardy.
Qaıtys bolar aldynda Karl Barns erekshe tuqym men olardy ósirý qupııasyn óziniń dosy Greg Shenge amanat etip qaldyryp, bul jumysty jalǵastyrýyn suraıdy. 2010 jyly marqum dosynyń ótinishin oryndaýǵa múmkindigi bolmaǵan Shen tuqymdardy Arızona shtatynda óziniń shaǵyn sharýashylyǵy bar Bıll MakDormanǵa tapsyrady. «Bul astyqtyń birinshi ónimin jıǵan kezde qatty tań qaldym, – deıdi MakDorman. – Eshkim, eshqashan mundaı júgerini kórgen emes».
Búgingi tańda MakDorman óziniń ınternet saıty arqyly erekshe júgeri tuqymynyń bir býmasyn 7,95 dollarǵa satýda. Erekshe taýar álem boıynsha úlken suranysqa ıe bolyp otyr.
Aıdar О́risbaev.