Búgin elimizdiń basym bóliginde nóser jaýyn bolady

Sınoptıkterdiń málimetinshe, Qazaqstannyń basym bóliginde fronttardyń áserinen turaqsyz aýa raıy saqtalady. Nóser jańbyr jaýyp, keı jerlerde naızaǵaı jarqyldaıdy. Burshaq jaýýy yqtımal. Keı jerlerde jel kúsheıip, soltústik jáne shyǵysta daýyl turady. Soltústikte tuman túsedi. Aqmola oblysynyń keı jerlerinde jeldiń kúshi 15-20 m/s bolady. Burshaq jaýýy yqtımal, kúndiz keı jerlerde daýyldy jel soǵady. Soltústik Qazaqstan oblysynyń keı jerlerinde jel qarqyny – 15-20 m/s. Burshaq jaýýy múmkin, Túnde keı jerlerde tuman túsedi. Shyǵys Qazaqstan oblysynyń keı jerlerinde jeldiń kúshi – 15-20, ekpini – 25 m/s bolady, Daýyl soǵyp, burshaq jaýýy yqtımal. Almaty, Pavlodar, Qaraǵandy, túnde Túrkistan, kúndiz Batys Qazaqstan, Aqtóbe, Qostanaı oblystarynyń keı jerlerinde jel 15-20 m/s kúsheıedi. Kúndiz Batys Qazaqstan oblysynda burshaq jaýýy yqtımal. Pavlodar oblysynda, kúndiz Jambyl, Qostanaı oblystarynyń keı jerlerinde jel 15-20 m/s deıin kúsheıedi. Soltústik Qazaqstan oblysynda túnde jáne tańerteń tuman túsedi. Kúndiz jel ekpini – 15-20 m/s. Mańǵystaý oblysynyń keı jerlerinde jel jyldamdyǵy 15-20 m/s jetedi. Shańdy daýyl turady. Atyraý, Mańǵystaý oblystarynda aptap ystyq saqtalady. Atyraý, Qyzylorda oblystarynda, Aqtóbe, Qostanaı, Soltústik Qazaqstan, Aqmola, Pavlodar, Qaraǵandy, Túrkistan, Jambyl oblystarynyń basym bóliginde, Almaty oblysynyń keı jerlerinde, Batys Qazaqstan oblysynyń ońtústiginde óte joǵary órt qaýpi saqtalady.