Búgin, 9 qazan kúni Ázerbaıjanda prezıdent saılaýy ótedi. Bul týraly «Deıerler AIN» agenttigi habarlady.
Elde osy úshin 5491 saılaý ýchaskeleri ashylǵan. Olarǵa 5 mln. 145 myń adam daýys berýge keledi dep kútilýde. Sonyń ishinde 218 arnaıy mekeme men shet elderdegi 38 dıplomatııalyq mıssııa da bar.
Daýys berý bıýlletenine 10 adamnyń aty-jóni engizilgen. Demek, osynsha adam prezıdent saılaýynyń dodasyna qatysqaly otyr. Prezıdenttikke kandıdattar esebinde tirkelgen kisilerdiń aty-jónderi mynadaı: Igbal Agazade, Ilham Alıev, Araz Alızade, Hafız Gadjıev, Gýdrat Gasangýlıev, Djamıl Gasanlı, Ilıas Ismaılov, Faradj Gýlıev, Sardar Mamedov jáne Zahıd Orýdj.
Ortalyq saılaý komıssııasynyń málimeti boıynsha, saılaýdyń barysyn 40 myńnan astam jergilikti baqylaýshy, sondaı-aq halyqaralyq uıymdardyń 300 ókili qadaǵalaıdy.
Daýys berý saǵat 8:00-de bastalyp, 19:00-de aıaqtalady.
Saılaýdyń ótkeni týraly hattamalar ýchaskelerden okrýgtik saılaý komıssııalaryna saǵat 00-ge deıin kelip úlgerýleri kerek. Okrýgtik saılaý komıssııalary eki kúnnen keshiktirmeı qorytyndy hattamalardy Ortalyq saılaý komıssııasyna ótkizedi. Osydan keıin OSK birden saılaýdyń aldyn ala qorytyndysyn jarııalaıdy. Al Ortalyq saılaý komıssııasy 19 qazanǵa deıin qorytyndy hattamalardy Konstıtýsııalyq sotqa joldaıdy. О́z kezeginde Sot 14 kúnniń ishinde saılaý nátıjelerin jarııalaýy tıis.
Osydan keıin jańadan saılanǵan Prezıdent úsh kúnniń ishinde ant qabyldap, óziniń laýazymdyq mindetterin atqarýǵa kirisedi.
Aıta ketý kerek, Ázerbaıjandaǵy prezıdent saılaýynda kvorým esepke alynbaıdy. Saılaýda 50 paıyz jáne bir artyq daýys alǵan kandıdat jeńimpaz bolyp sanalady.
Sáken Maılybaı.