«Fıtoý» taıfýnynyń soqqysy saldarynan Qytaıdyń shyǵysynda 4,5 mıllıon adam zardap shekti. Eń aýyr soqqy tıgen Chjeszıan provınsııasynyń ózinde ǵana 4,3 mıllıonnan astam adam japa shegip otyr.
«Fıtoý» taıfýnynyń soqqysy saldarynan Qytaıdyń shyǵysynda 4,5 mıllıon adam zardap shekti. Eń aýyr soqqy tıgen Chjeszıan provınsııasynyń ózinde ǵana 4,3 mıllıonnan astam adam japa shegip otyr.
Tabıǵat apaty úılerdi qıratyp, egistikterge shyǵyn keltirgen. «Fıtoý» – jyl basynan beri Qytaıǵa soqqy jasap otyrǵan 23-shi taıfýn. 7 qazan kúni Aspan asty eliniń shyǵys jaǵalaýyna jetken daýyldyń jyldamdyǵy saǵatyna 151 shaqyrymdy quraǵan. Buǵan deıin «Fıtoý» taıfýny Japonııaǵa oıran salǵan bolatyn. Endi Qytaıǵa Shyǵys-Qytaı teńizinde kúshti daýyl turǵyzatyn «Danos» taıfýnynyń qateri tónip tur.
Halyqaralyq mıssııa qurylmaq
BUU Bas hatshysy Pan Gı Mýn Sırııanyń hımııalyq arsenalyn joıýǵa qatysty oǵan baqylaý jasaý men úılestirý boıynsha halyqaralyq mıssııa qurýdy usyndy.
Oǵan qatysýshy sarapshylar toby men mıssııa úılestirýshileri Kıpr men Damaskide ornalasatyn bolady. Bas hatshynyń aıtýynsha, mıssııaǵa BUU-nyń jáne Hımııalyq qarýǵa tyıym salý jónindegi uıymnyń eki júzge jýyq sarapshysy qatysa alady. Mıssııaǵa Damask men halyqaralyq uıymdar arasynda deldaldyq jasaıtyn arnaıy úılestirýshi basshylyq jasaıdy. Bul týraly Bas hatshy Qaýipsizdik Keńesi múshelerine joldaǵan hatynda málimdegen.
Áskerin jaýyngerlik daıyndyqqa keltirdi
Soltústik Koreıa osy aptada bastalýǵa tıis bolǵan AQSh pen Ońtústik Koreıanyń birlesken áskerı jattyǵýlaryna kez kelgen sátte qarýmen jaýap berý úshin áskerin jaýyngerlik daıyndyqqa keltirdi.
Soltústikkoreıalyq BAQ-tardyń málimetteri boıynsha, KHDR-dyń barlyq áskerı bólimderi joǵarǵy komandovanıeden «operasııa júrgizýdiń belgilengen josparyn shuǵyl túrde qaıta qaraý jáne amerıkalyq, japondyq agressorlar men olardyń qoljaýlyǵynyń qozǵalysyn baqylaı otyryp, kez kelgen ýaqytta soqqy berýge tolyq daıyn bolý» týraly buıryq alǵan. KHDR mundaı sheshimge osy aptada ótýge tıis bolǵan birlesken áskerı-teńiz jattyǵýlaryna baılanysty baryp otyr.
NATO operasııalary qasiret qana ákeldi
Aýǵanstan prezıdenti Hamıt Karzaı NATO elderi áskerı kontıngentiniń óz elinde on jyl turǵanyna qaramastan, Batysqa óńirde turaqtylyqty qamtamasyz etýdiń sáti túspegenin málimdedi.
Qaýipsizdik turǵysynan alǵanda NATO-nyń búkil operasııalary Aýǵanstan úshin zor qasiretke aınalyp, kóptegen adamdar qurban boldy jáne eń bastysy, el áli de qaýipsiz bolyp sanalmaıtyndyqtan eshqandaı nátıjeler ákelgen joq, dep atap kórsetken Aýǵanstan prezıdenti brıtandyq Bı-Bı-Sı teleradıokorporasııasyna bergen suhbatynda. Karzaıdyń pikirinshe, alıans basshylyǵy Pákstandaǵy tálibter jasyrynǵan jerlerge nazar aýdarmastan, qatelesip aýǵan eldi mekenderindegi sodyrlarǵa shabýyl jasaýmen
bolǵan.
Sherý sońy tártipsizdikke ulasty
Brazılııada elý kúnnen astam ýaqyttan beri eńbekaqyny ósirýdi talap etip, beıbit túrde ótip jatqan muǵalimder ereýili tártipsizdikterge ulasty.
Rıo-de-Janeıro kóshelerindegi aksııalarǵa elý myńǵa deıin muǵalimder men olarǵa tilektester qatysqan. Bastapqyda beıbit bastalǵan ereýil qarańǵy túse polısııamen qaqtyǵysqa soqtyrǵan. Qara betperde kıgen jıyrmaǵa tarta ereýilshi merııa ǵımaratyna basyp kirmek bolǵan kezde tártip saqshylary olarǵa qarsy kóz jasaýratatyn gaz ben basqa da arnaıy quraldar qoldanǵan. San-Paýlý qalasynda da osyndaı oqıǵa oryn alǵan. Munda qaqtyǵystan jeti adam, onyń ishinde tórt polısııa ofıseri jaraqattanǵan.
Qyrǵyzdar taǵy ereýilge shyqty
Qyrǵyzstannyń Ystyqkól oblysynda ereýilshiler Qarakól qalasyn Bishkekpen jalǵaıtyn avtomobıl jolyn jaýyp tastaǵan.
Respýblıka prezıdenti Almazbek Atambaev kúshtik organdarǵa tártipsizdikterge kinálilerdi jaýapkershilikke tartý jóninde buıryq berdi. Qazirgi ýaqytta avtojol bir jaǵynan «KamAZ» júk kóligimen, ekinshi jaǵynan jeńil avtokólikpen jabýly tur. Ereýilshiler Jogorký Kenesh depýtattarynan «Qumtóre» týraly máseleni qaıta qaraýdy talap etýde. Eske sala keter bolsaq, ereýilshiler talaby 2009 jyly bekitilgen kanadalyq Centerra Gold kompanııasymen aradaǵy kelisimdi buzý jóninde bolyp otyr.
Reseı keshirim suraýdy talap etýde
Reseı Nıderlandydaǵy RF elshiliginiń qyzmetkeri Dmıtrıı Borodınniń soqqyǵa jyǵylýyna baılanysty túsinik berýdi talap etýde.
Bul Vena konvensııasyn dóreki túrde burmalaý. Biz qarsy taraptyń túsinik berýin jáne keshirim suraýyn, sol sııaqty kinálilerdi jazalaýyn kútemiz, dep málimdedi Reseı prezıdenti Vladımır Pýtın ATEQ sammıtiniń qorytyndysy boıynsha ótken baspasóz máslıhatynda. Nıderlandydaǵy oqıǵa Reseı tarapynan qatań synǵa iligip otyr. Reseı syrtqy ister mınıstrligi Nıderlandy jaǵyna qatań túrde narazylyq notasyn joldaǵan.
Balany qurbandyqtan qutqaryp qaldy
Lıberııada jumys isteıtin reseılik polıseı jeti jasar balany qurbandyqqa shalýǵa jol bergen joq. Bul týraly Reseı SIM baspasóz qyzmetine silteme jasaı otyryp, «Rossııa-24» telearnasy habarlaǵan.
Vedomstvonyń aqparatyna qaraǵanda, polkovnık Sergeı Safronov jeti jasar er balany qurbandyqqa shalý úshin satqaly jatqanyn bilip qalady. Sodan soń ol Áıelder men balalardy qorǵaý bólimine habarlasyp, onyń qyzmetkerlerimen birge balany qutqarý jónindegi operasııany ázirleıdi. Satyp alýshy róline bir áıeldi tańdap alady. Bala úshin 150 dollar ǵana suraıdy. Sonymen birge, ol satýshyǵa balanyń qaza tabatyny týraly da aıtyp beredi. Mundaı jaǵdaı satýshynyń kóńilinen shyǵady. Aram nıetti aqsha alyp jatqan jerinde ustaldy. Sóıtse ol balanyń alys týysy bolyp shyqqan.
Internet materıaldary negizinde ázirlendi.