Atyraý oblysynyń Jylyoı aýdanyndaǵy Teńiz kenishinde jumysshylardyń vahtalyq aýysýy bastaldy, dep jazady Egemen.kz
"Teńizshevroıl" kompanııasy memlekettik organdarmen birge personaldyń vahtalyq aýysýyn uıymdastyrýǵa baılanysty josparyn jasaqtady. Basty maqsat –Teńiz kenishindegi óndiristik jáne "Keleshek keńeıý" jobasyndaǵy jumystardyń úzdiksiz atqarylýyn, jumysshylardyń qaýipsiz aýysýyn qamtamasyz etý. Aýysý jospary bekitildi. TShO men merdiger kompanııalar vahtalyq aýysýdy 15 maýsymda qalpyna keltirdi", dep habarlady TShO-nyń baspasóz qyzmeti.
Aýysý kezinde Teńiz kenishindegi personal PTR-test tapsyrý úshin oqshaýlaný prosedýrasynan ótedi. Bul talap Teńiz kenishine kelgen ár adam úshin mindetti bolyp sanalady. TShO men merdiger kompanııalar sanıtarlyq óńdeýden ótkizilgen turǵyn jaılardy daıyndady.
Sondaı-aq Teńiz ken ornyndaǵy vahtalyq jumystan demalysqa shyǵatyn jumysshylar kólikke otyrǵanǵa deıin PTR-testtiń teris kórsetkishin alýy tıis.