Búgin KSRO-nyń qos dańqty hokkeıshisi – Vladımır Myshkın men Sergeı Makarovtyń týǵan kúni. Kezinde muz aıdynynda jasyndaı jarqyraǵan bul oıynshylardy egde tartqan jankúıerler umyta qoıǵan joq, dep jazady Egemen.kz
Vladımır Myshkın 65 jasqa tolyp otyr. 1955 jyly Reseıdiń Kırov oblysynda dúnıege kelgen ol Máskeýdiń «Krylıa Sovetov» pen "Dınamo" klýbtarynyń juldyzy boldy. Dańqy jer jarǵan Vladıslav Tretıaktyń ózin almastyryp, uzaq jyldar boıy KSRO quramasynyń qaqpasyn qorǵady. О́zge tabystardy bylaı qoıyp, Myshkınnyń Saraevo Olımpıadasynyń jeńimpazy, Leık-Plesıd Olımpıadasynyń kúmis júldegeri jáne alty dúrkin álem chempıony atanǵanyn aıtsaq ta jetkilikti.
Sergeı Makarov 62 jasqa toldy. 1958 jyly Chelıabide týǵan ol 1978-1989 jyldar aralyǵynda áıgili SSKA-nyń namysyn qorǵady. Sol kezden bastap KSRO quramasynnyń surmergenine aınaldy. Olımpııa oıyndarynda 2 altyn jáne 1 kúmisti oljalady. Álem chempıonatynda 8 altyn, 1 kúmis jáne 2 qolany qorjynǵa saldy. San márte túrli týrnırlerdiń teńdessiz oıynshysy atandy. Keıinnen Ulttyq hokkeı lıgasynda "Kalgarı Fleımz" ben "San-Hose Sharks" klýbtarynyń jeıdesin kıdi.