Parlament Májilisiniń Tóraǵasy Nurlan Nyǵmatýlın Qytaı Halyq Respýblıkasynyń Qazaqstandaǵy Tótenshe jáne ókiletti elshisi Le Iýıchendi qabyldady, dep habarlady osy palatanyń baspasóz qyzmeti.
Parlament Májilisiniń Tóraǵasy Nurlan Nyǵmatýlın Qytaı Halyq Respýblıkasynyń Qazaqstandaǵy Tótenshe jáne ókiletti elshisi Le Iýıchendi qabyldady, dep habarlady osy palatanyń baspasóz qyzmeti.
Nurlan Nyǵmatýlınniń tóraǵalyǵymen qazan aıynyń 14-17-si aralyǵynda qazaqstandyq parlamenttik delegasııanyń Qytaıǵa sapary josparlanǵan. Osy qarsańda taraptar ózara is-qımyldyń mańyzdy máselelerin talqyǵa saldy.
Kezdesý barysynda eki el arasyndaǵy yntymaqtastyqtyń dáıekti ári údemeli damý jolyna túskendigi tilge tıek etildi.
О́z sózinde Nurlan Nyǵmatýlın QHR Tóraǵasynyń bizdiń elimizge sapary barysynda Qazaqstan Prezıdenti Nursultan Nazarbaev pen Sı Szınpınniń arasynda qol jetkizilgen joǵary deńgeıli kelisimder ekijaqty qarym-qatynastyń strategııalyq kórsetkishiniń taǵy bir dáleli ekenin atap ótti.
Al Le Iýıchen óz kezeginde Qazaqstannyń jetistikterine qatysty jyly lebizin bildirdi.
– Astanaǵa kelgen alǵashqy kúnnen bastap, meni Prezıdent Nursultan Nazarbaevtyń basshylyǵynyń arqasynda Qazaqstan halqy qol jetkizgen jetistikter men eki memleket arasyndaǵy qarym-qatynastyń qarqyndy damýy tańǵaldyrdy, – dedi elshi.
Qos eldiń parlamentaralyq baılanysy da nazardan tys qalmady.
– Parlamentaralyq ózara yntymaqtastyqty damytý jolynda, zań shyǵarmashylyq jumysynda tájirıbe almasý, ıaǵnı mańyzdy bastamalardy zańnamalyq qamtamasyz etý, salalyq komıtetter arasynda baılanystardy nyǵaıtý, parlamentaralyq uıymdar aıasyndaǵy áriptestik basym baǵyttar bolyp tabylady, – dedi Májilis Tóraǵasy.
Nurlan Nyǵmatýlın men Le Iýıchen parlamentter ókilderiniń baılanysyn aldaǵy ýaqytta da belsendi nyǵaıtýǵa senim bildirdi.
– Qazaqstan men Qytaı parlamentshileri arasyndaǵy ózara is-qımyldy nyǵaıtý – eki memlekettiń strategııalyq áriptestik qatynasyn odan ári jan-jaqty damytýǵa múmkindik beredi, – dep atap ótti Májilis Tóraǵasy.
Kezdesý ıeleri memleketter arasyndaǵy ózara tıimdi yntymaqtastyq bolashaqta da eki eldiń ıgiligi jolynda qarqyndy damı beredi degen ortaq pikirlerin jetkizdi.