Qazaqstan Respýblıkasy Prezıdentiniń Jarlyǵy № 663

«Respýblıkalyq bıýdjet jobasyn ázirleý erejelerin bekitý týraly» Qazaqstan Respýblıkasy Prezıdentiniń 2009 jylǵy 26 tamyzdaǵy №861 Jarlyǵyna ózgeris engizý týraly

 

«Respýblıkalyq bıýdjet jobasyn ázirleý erejelerin bekitý týraly» Qazaqstan Respýblıkasy Prezıdentiniń 2009 jylǵy 26 tamyzdaǵy №861 Jarlyǵyna ózgeris engizý týraly

Qaýly etemin:

1. «Respýblıkalyq bıýdjet jobasyn ázirleý erejelerin bekitý týraly» Qazaqstan Respýblıkasy Prezıdentiniń 2009 jylǵy 26 tamyzdaǵy № 861 Jarlyǵyna (Qazaqstan Respýblıkasynyń PÚAJ-y, 2009 j., №36, 342-qujat) mynadaı ózgeris engizilsin:

joǵaryda kórsetilgen Jar­lyq­pen bekitilgen Respýblıkalyq bıýdjet jobasyn ázirleý qaǵıdalary osy Jarlyqqa qosymshaǵa sáıkes jańa redaksııada jazylsyn.

2. Osy Jarlyq alǵashqy resmı jarııalanǵan kúninen bas­tap qoldanysqa engiziledi.

Qazaqstan Respýblıkasynyń Prezıdenti N.NAZARBAEV.

Astana, Aqorda, 2013 jylǵy 7 qazan. № 663.

Qazaqstan Respýblıkasy Prezıdentiniń 2013 jylǵy 7 qazandaǵy № 663 Jarlyǵyna qosymsha

Qazaqstan Respýblıkasy Prezıdentiniń 2009 jylǵy 26 tamyzdaǵy №861 Jarlyǵymen bekitilgen

Respýblıkalyq bıýdjet jobasyn ázirleý

QAǴIDALARY

1. Jalpy erejeler

1. Respýblıkalyq bıýdjet jobasyn ázirleýdiń osy qaǵıdalary (budan ári – Qaǵıdalar) 2008 jylǵy 4 jeltoqsandaǵy Qazaqstan Respýblıkasynyń Bıýdjet kodeksine sáıkes ázirlendi jáne respýblıkalyq bıýdjet jobasyn ázirleý tártibin aıqyndaıdy.

2. Respýblıkalyq bıýdjet jobasyn ázirleý prosesi mynadaı kezeńderdi:

1) Qazaqstan Respýblıkasynyń áleýmettik-ekonomı­kalyq damý boljamynyń jobasyn ázirleýdi jáne ony Qazaqstan Respýblıkasy Úkimetiniń maquldaýyn;

2) ortalyq memlekettik organdardyń strategııalyq josparlarynyń jobalaryn nemese strategııalyq jos­parlaryna engiziletin ózgerister men tolyqtyrýlardyń jobalaryn, strategııalyq josparlar ázirlemeıtin bıýd­jet­tik baǵdarlamalar ákimshileriniń bıýdjettik baǵdarla­ma­larynyń jobalaryn, bıýdjettik ótinimderdi ázirleýdi jáne olardy Respýblıkalyq bıýdjet komıssııasynyń qaraýyn;

3) respýblıkalyq bıýdjet týraly zań jobasyn ázir­leýdi qamtıdy.

2. Qazaqstan Respýblıkasynyń áleýmettik-ekonomıkalyq damý boljamynyń jobasyn ázirleý

3. Qazaqstan Respýblıkasynyń áleýmettik-ekonomıkalyq damý boljamyn memlekettik josparlaý jónindegi ortalyq ýákiletti organ ázirleıdi.

4. Qazaqstan Respýblıkasynyń áleýmettik-ekono­mı­kalyq damý boljamyn ázirleý tártibin Qazaqstan Respýb­lıkasynyń Úkimeti aıqyndaıdy.

3. Ortalyq memlekettik organdardyń strategııalyq josparlarynyń jobalaryn nemese strategııalyq josparlaryna engiziletin ózgerister men tolyqtyrýlardyń jobalaryn ázirleý, strategııalyq josparlar ázirlemeıtin bıýdjettik baǵdarlamalar ákimshileriniń bıýdjettik baǵdarlamalarynyń jobalaryn jáne bıýdjettik ótinimderdi ázirleý

5. Bıýdjet shyǵystaryn josparlaý úshin respýblıkalyq bıýdjettik baǵdarlamalardyń ákimshileri memlekettik josparlaý jónindegi ortalyq ýákiletti organǵa aǵymdaǵy qarjy jylynyń 15 mamyryna deıingi merzimde strategııalyq josparlardyń jobalaryn nemese strategııalyq josparlarǵa engiziletin ózgerister men tolyqtyrýlardyń jobalaryn jáne bıýdjettik ótinimderdi usynady.

Strategııalyq josparlar ázir­lemeıtin respýblıkalyq bıýdjettik baǵ­darlamalardyń ákimshileri memle­kettik jos­parlaý jónindegi ortalyq ýákiletti organǵa bıýdjettik ótinimderdi jáne bıýdjettik baǵdarlamalardyń jobalaryn usynady.

6. Memlekettik josparlaý jó­nin­degi ortalyq ýákiletti organ aıqyn­daǵan tártippen tıisti josparly kezeńge ar­nalǵan respýblıkalyq bıýdjettik baǵdarlamalar ákim­shi­leriniń bıýdjettik ótinimderin qaraý kezinde mynalar:

1) ótken qarjy jylyndaǵy bıýd­jet­tik baǵdar­lama­lardyń atqary­lýyn taldaý jáne olardy kelesi jos­parly kezeńge arnalǵan bıýdjet­tik ótinimde usynylǵan bıýdjettik baǵ­darlamalardyń somalarymen salystyrý arqyly ótken qarjy jyly úshin respýblıkalyq bıýdjettiń atqa­rylý nátıjeleri, árbir bıýdjettik baǵdar­lama boıynsha bıýdjettik qarajattyń ıgerilmeýine ákep soqtyrǵan sebepter;

2) respýblıkalyq bıýdjettik baǵ­dar­lamalardyń ákim­shileri usyn­ǵan esepti qarjy jyly úshin stra­tegııa­lyq josparlardyń iske asyrylýy týraly esepter jáne bıýdjettik baǵdarlamalardyń nátıjelerine qol jet­kizý bóliginde bıýdjet qarajatyn basqarý boıynsha mem­le­kettik organdar qyzmetiniń tıimdiligin baǵalaý nátıje­leri;

3) respýblıkalyq bıýdjettik baǵdarlamalardyń ákim­shileri ótinim bergen shyǵystardy onyń negizdiligi turǵysynan qaraý bóliginde ótken qarjy jyly úshin respýblıkalyq bıýdjettiń atqarylýy týraly Qazaq­stan Respýblıkasy Úkimetiniń esebine Respýblıkalyq bıýdjettiń atqarylýyn baqylaý jónindegi esep komıteti bergen qorytyndylar men usynymdar eskeriledi;

4) jańa bıýdjettik ınvestısııalyq jobalar boıynsha jobanyń ótimdiligi, joba aıaqtalǵannan keıin ony ustaýǵa arnalǵan shyǵystardyń negizdemesi, jalǵasatyn bıýdjettik ınvestısııalyq jobalar boıynsha – bıýdjettik ınvestısııalyq jobany iske asyrý monıtorınginiń nátıjeleri qaralady;

5) bıýdjettik kredıtter boıynsha kredıttik shart talaptaryn oryndaý jáne bıýdjettik kredıttiń nysanaly maqsaty boıynsha paıdalanylýy eskeriledi;

6) sheshilýine nysanaly transfertter boıynsha kelisim jobalarynda kózdelgen nysanaly transfertter bólinetin, nysanaly transfertter boıynsha maqsattar men mindetterge qol jetkizýdi taldaý eskeriledi.

7. Memlekettik organnyń strategııalyq jospary Qazaq­stan Respýblıkasynyń strategııalyq jáne baǵdarla­malyq qujattarynyń, áleýmettik-ekonomıkalyq damý bol­ja­mynyń negizinde ár úsh jyl saıyn bes jyldyq kezeńge ázirlenedi.

8. Respýblıkalyq bıýdjet shyǵystary bazalyq shyǵys­tarǵa jáne jańa bastamalarǵa arnalǵan shyǵystarǵa bóli­nedi.

Turaqty sıpattaǵy shyǵystar, kúrdeli shyǵystar, son­daı-aq bıýdjetten qosa qarjylandyrý jaǵdaılarynda bastalǵan (jalǵasatyn) bıýdjettik ınvestısııalyq jobalarǵa jáne konsessııalyq jobalarǵa arnalǵan shyǵystar bazalyq shyǵystar bolyp tabylady.

Memlekettik fýnksııalardy, ókilettikterdi oryndaýǵa jáne memlekettik qyzmetter kórsetýge, sondaı-aq trans­fertter tóleýge jáne memlekettiń basqa da mindet­temelerine baılanysty shyǵystar turaqty sıpattaǵy shyǵystar bolyp tabylady.

Jańa bastamalarǵa arnalǵan shyǵystarǵa:

1) keıinnen jańa bıýdjettik baǵdarlamalar boıynsha qarjylandyrylatyn strategııalyq jáne baǵdarlamalyq qujattarǵa sáıkes áleýmettik-ekonomıkalyq damýdyń jańa basym baǵyttaryn iske asyrýǵa;

2) makroekonomıkalyq jáne áleýmettik kórset­kish­terdiń ózgerýine baılanysty emes jáne qoldanystaǵy bıýdjettik baǵdarlamalar sheńberinde bıýdjet qaraja­tyn jumsaýdyń qosymsha baǵyttaryn (oryndalatyn mem­lekettik fýnksııalardyń, ókilettikterdiń jáne kórse­tiletin memlekettik qyzmetterdiń kólemin keńeıtýdi) kóz­deıtin bazalyq shyǵystardy ulǵaıtýǵa baǵyttalǵan shy­ǵystar jatady.

9. Respýblıkalyq bıýdjettiń bazalyq shyǵystarǵa jáne jańa bastamalarǵa arnalǵan shyǵystarynyń kólemin respýblıkalyq bıýdjettik baǵdarlamalardyń ákimshileri arasynda memlekettik josparlaý jónindegi ortalyq ýákiletti organnyń usynystary negizinde Respýblıkalyq bıýdjet komıssııasy bóledi.

Bazalyq shyǵystar, shyǵystardyń qoldanystaǵy qurylymy men boljamdy makroekonomıkalyq kórsetkishter negizinde eseptelgen kezekti josparly kezeń­niń úshinshi jylyna arnalǵan boljamdy kólemderin qosa otyryp, aǵymdaǵy josparly kezeńniń ekinshi jáne úshin­shi jyldary shyǵystarynyń bekitilgen kóleminiń negizinde aıqyndalady.

Jańa bastamalarǵa arnalǵan shyǵystar strategııalyq jáne baǵdarlamalyq qujattarda belgilengen eldiń damý basymdyqtary, esepti qarjy jylynyń bıýdjettik monı­torıngi nátıjeleri, esepti qarjy jylynda strategııalyq jospardy iske asyrý týraly esepter, nátıjelerdi baǵalaý eskerile otyryp, respýblıkalyq bıýdjettik baǵdarlamalar ákimshileriniń arasynda bólýge jatady.

10. Bıýdjettik baǵdarlamalar ákimshisiniń jańa bas­tamalaryna arnalǵan shyǵystardy josparlaý qosymsha bıýdjet qarajatyn bólý esebinen de, aldyńǵy josparly kezeńde respýblıkalyq bıýdjet týraly zańda bekitilgen osy bıýdjettik baǵdarlamalar ákimshisiniń bazalyq shyǵystary qarajatyn qaıta bólý esebinen de júzege asyrylady.

11. Eger jekelegen bıýdjettik baǵdarlamalar boıynsha munyń aldyndaǵy josparly kezeńniń ekinshi jáne úshinshi jyldarynyń shyǵystar somasy respýblıkalyq bıýdjet týraly zańda osy baǵdarlamalar boıynsha bekitilgen somamen salystyrǵanda ózgermeıtin bolsa, onda osy baǵdarlamalar (kishi baǵdarlamalar) boıynsha shyǵystardyń túrleri boıynsha esepteýler jasalmaıdy.

Osy baǵdarlamalar boıynsha shyǵystardyń túrleri boıynsha esepter úshinshi jylǵa ǵana jasalady.

Eger jekelegen bıýdjettik baǵdarlamalar boıynsha munyń aldyndaǵy josparly kezeńniń ekinshi jáne (nemese) úshinshi jyldarynyń shyǵystar somasy respýb­lıkalyq bıýdjet týraly zańda osy baǵdarlamalar boıynsha bekitilgen somamen salystyrǵanda ózgeretin bolsa, onda shyǵystardyń túrleri boıynsha esepteýler osy baǵdarlamalar (kishi baǵdarlamalar) boıynsha josparlanatyn josparly kezeńniń jyldary bólinisinde jasalady jáne usynylady.

12. Memlekettik josparlaý jónindegi ortalyq ýáki­letti organ esepti qarjy jylyndaǵy bıýdjettiń atqary­lýyn taldaý nátıjelerin eskere otyryp:

1) strategııalyq josparlar jobalaryn nemese stra­tegııalyq josparlarǵa engiziletin ózgerister men tolyq­tyrýlar jobalaryn olardyń strategııalyq jáne baǵ­darlamalyq qujattarǵa, eldiń áleýmettik-ekonomıkalyq damý boljamyna, Qazaqstan Respýblıkasynyń bıýdjet jáne ózge de zańnamasyna sáıkestigi turǵysynan;

2) bıýdjettik baǵdarlamalar ákimshileriniń bıýdjettik ótinimderin olardyń Qazaqstan Respýblıkasynyń bıýdjet jáne ózge de zańnamasyna, áleýmettik-ekonomıkalyq damý boljamyna, qoldanystaǵy zattaı normalarǵa jáne strategııalyq josparlar jobalaryna nemese strategııalyq josparlarǵa engiziletin ózgerister men tolyqtyrýlar jobalaryna sáıkestigi turǵysynan;

3) strategııalyq josparlar jobalarynyń nemese strategııalyq josparlarǵa engiziletin ózgerister men tolyqtyrýlar jobalarynyń quramynda usynylǵan bıýdjettik baǵdarlamalardyń kórsetkishterin olardyń strategııalyq maqsattarmen, strategııalyq baǵyttardyń mindetterimen ózara baılanysy turǵysynan;

4) strategııalyq josparlar ázirlemeıtin bıýdjettik baǵdarlamalar ákimshileriniń bıýdjettik baǵdarlamalary jobalarynda usynylǵan nátıjelilik pen tıimdilik kórsetkishterin olardyń bıýdjettik baǵdarlamalar ákimshisiniń fýnksııalaryna, ókilettikterine, qyzmetiniń baǵyttaryna sáıkestigi turǵysynan qaraıdy.

13. Memlekettik josparlaý jónindegi ortalyq ýáki­let­ti organ strategııalyq josparlar jobalaryn neme­se strategııalyq josparlarǵa engiziletin ózgeris­ter men tolyqtyrýlar jobalaryn, bıýdjettik ótinim­derdi, strategııalyq josparlar ázirlemeıtin bıýdjet­tik baǵdarlamalar ákimshileriniń bıýdjettik baǵdarla­ma­larynyń jobalaryn qaraý qorytyndylary boıynsha bıýdjettik baǵdarlamalar ákimshileriniń shyǵys­ta­ry boıynsha qorytyndylar qalyptastyrady jáne Respýb­lıkalyq bıýdjet komıssııasynyń qaraýyna jiberedi.

Respýblıkalyq bıýdjettik baǵdarlamalar ákimshileri men memlekettik josparlaý jónindegi ortalyq ýákiletti organ arasyndaǵy kelispeýshilikterdi Respýblıkalyq bıýdjet komıssııasy qaraıdy.

Respýblıkalyq bıýdjet komıssııasy osy Qaǵıdalardyń 14 jáne 15-tarmaqtarynda kórsetilgen materıaldardy qaraıdy jáne olar boıynsha usynystar tujyrymdaıdy.

14. Respýblıkalyq bıýdjet komıssııasy memlekettik josparlaý jónindegi ortalyq ýákiletti organ qaraýǵa daıyndaǵan materıaldardy Respýblıkalyq bıýdjet komıssııasynyń jumys organy jasaıtyn jáne Respýblıkalyq bıýdjet komıssııasynyń tóraǵasymen kelisiletin jospar-kestege sáıkes qaraıdy. Respýblıkalyq bıýdjet komıssııasynyń tóraǵasymen kelisilgen jospar-keste respýblıkalyq bıýdjettik baǵdarlamalardyń ákimshilerine jetkiziledi.

15. Respýblıkalyq bıýdjettik baǵdarlamalardyń ákimshileri Respýblıkalyq bıýdjet komıssııasynyń usynystaryna sáıkes memlekettik josparlaý jónindegi ortalyq ýákiletti organǵa aǵymdaǵy qarjy jylynyń 1 tamyzyna deıingi merzimde pysyqtalǵan bıýdjettik ótinimderdi, strategııalyq josparlar jobalaryn nemese strategııalyq josparlarǵa engiziletin ózgerister men tolyqtyrýlar jobalaryn usynady.

Strategııalyq josparlar ázirlemeıtin respýblıkalyq bıýdjettik baǵdarlamalardyń ákimshileri memlekettik jos­parlaý jónindegi ortalyq ýákiletti organǵa aǵymdaǵy qarjy jylynyń 1 tamyzyna deıingi merzimde pysyqtalǵan bıýdjettik ótinimder men bıýdjettik baǵdarlamalar jobalaryn usynady.

4. Respýblıkalyq bıýdjet týraly zań jobasyn ázirleý

16. Respýblıkalyq bıýdjetti memlekettik josparlaý jónindegi ortalyq ýákiletti organ jyl saıyn josparly kezeńge ázirleıdi jáne ony Respýblıkalyq bıýdjet komıssııasynyń qaraýyna engizedi.

17. Memlekettik josparlaý jónindegi ortalyq ýákiletti organ Respýblıkalyq bıýdjet komıssııasynyń respýb­lıkalyq bıýdjet jobasy boıynsha usynystary negizin­de respýblıkalyq bıýdjet týraly zańnyń jobasyn ázirleıdi jáne aǵymdaǵy qarjy jylynyń 15 tamyzynan keshiktirmeı ony Qazaqstan Respýblıkasy Úkimetiniń qaraýyna usynady.

18. Respýblıkalyq bıýdjet týraly zańnyń jobasy Qa­zaqstan Respýblıkasy Bıýdjet kodeksiniń 13-babynda kózdelgen bıýdjet qurylymyna sáıkes Qazaqstan Res­pýblıkasy Bıýdjet kodeksiniń 71-babynda kózdelgen talaptar eskerile otyryp ázirlenedi.

19. Qazaqstan Respýblıkasynyń Úkimeti res­pýb­lıkalyq bıýdjet týraly zańnyń jobasyn aǵymdaǵy qarjy jylynyń 1 qyrkúıeginen keshiktirmeı Qazaqstan Respýblıkasynyń Parlamentine engizedi.

Qazaqstan Respýblıkasynyń Úkimeti respýblıkalyq bıýdjet týraly zańnyń jobasymen bir mezgilde mynadaı qujattar men materıaldardy:

1) respýblıkanyń áleýmettik-ekonomıkalyq damý boljamyn;

2) ortalyq memlekettik organdardyń strategııalyq jos­parlarynyń jobalaryn nemese strategııalyq jos­parlarǵa engiziletin ózgerister men tolyqtyrýlardyń jobalaryn;

3) strategııalyq josparlar ázirlemeıtin bıýdjet­tik baǵdarlamalar ákimshileriniń bıýdjettik baǵdarla­malarynyń jobalaryn;

4) memlekettik jáne memleket kepildik bergen boryshtyń sońǵy esepti kúngi jaı-kúıi týraly derekterdi;

5) bıýdjettik baǵdarlamalardyń bıýdjettik kishi baǵdarlamalary bólinisinde bıýdjet qarajatynyń jumsalý baǵytyn naqtylaıtyn aqparatty jáne res­pýb­lıkalyq bıýdjettiń jobasyna engizilgen sheshimderdi ashyp kórsetetin túsindirme jazbany usynady.