Sátsiz qoıylǵan «spektakl»

Aqmola oblysy Arshaly aýdandyq ishki ister bóliminiń bastyǵy Baqtybaı Sahanov bastaǵan polıseılerdiń «spektaklderi» sátsiz aıaqtalyp, onyń sońy mundaǵy bólimniń jeti birdeı ofıseriniń aıyptylar oryndyǵyna otyrýyna aparyp soqtyrdy.

Aqmola oblysy Arshaly aýdandyq ishki ister bóliminiń bastyǵy Baqtybaı Sahanov bastaǵan polıseılerdiń «spektaklderi» sátsiz aıaqtalyp, onyń sońy mundaǵy bólimniń jeti birdeı ofıseriniń aıyptylar oryndyǵyna otyrýyna aparyp soqtyrdy.

Osynaý ospadarsyz qo­ıylymnyń oqıǵasy bylaı bas­talady. О́tken jylǵy 12 tamyz kúni aýdandaǵy Qostomar aýylynyń bir turǵyny orman shetinde jartylaı kó­milip jatqan er kisiniń máıiti ústinen túsken. Sol boıda ol jazǵan jany qalmaı po­lısııaǵa habar beredi. Alaıda, aýdan polıseıleriniń bas «rejısseri» ári basty «akteri» B.Sahanov kózge uryp turǵan bul qylmysty ashýǵa asyǵa qoımaıdy. Asyqpaǵany bylaı tursyn, ony tipti bol­ma­ǵandaı etip jasaýǵa baryn sa­lady. Ol salǵan jerden osy oıyn júzege asyrýdyń bas josparyn jasaýǵa shuǵyl kirisip ketedi. Sebebi, bul qylmysty tirkese, aýdandyq ishki ister bóliminiń statıs­tıkasy búlingeli tur. О́ıtkeni, Baqtybaı kóke ony ózi bas­taǵan pınkertondardyń ólse de asha almaıtyndaryna ıman­daı senedi. Demek, jaqsy kór­setkishti qurtyp almaýdyń jalǵyz joly ólikti joıý bolmaq.

­Josparyn qaraýyndaǵy jandaıshaptaryna moıyndatyp alǵasyn, bas ataman solardy shubyrtyp ertip, máıit jatqan jerge jetti. So­syn ony qapqa salyp alyp, ormannyń ortasyna aparyp, tepkilep kómip tastady. Qyz­ǵylyqty qoıylymnyń qyzyǵyna túsip ketken bular munymen de toqtamady. Dereý sol mańaıda beısaýat júrgen bir jigitti ustap ákelip, ma­na­ǵy máıit jatqan jerge alyp keldi. Sol jerde ony shuń­qyrǵa ústin topyraqpen jartylaı jaýyp jatqyzyp, shytyrlatyp sýretke túsirip aldy. Munysy jetken dabylda aıtylǵan adam eshqandaı da ólik emes, orǵa omaqasa qulaǵan mas bireý eken dep kórsetý úshin kerek bolypty. Osymen spektakldiń birinshi aktisi bitti.

Shamasy, «bas rejısser» men «akterler» ózderi qoıǵan bul qoıylym osy bir aktimen bite salady dep oılasa kerek, onyń sońyn birden tabysty «premerany» jýý úrdisimen banketke aınaldy­ryp jiberdi. Alaıda, kóp uza­maı onyń ekinshi aktisi aıaq astynan týyndap ketti. Buǵan máıittiń ıeleri bastama jasady. Olar taksıshi Bazarbaevtyń úshti-kúıli joǵalyp ketkenin aıtyp, quqyq qorǵaý organdarynyń tabaldyryǵynan shyqpaı qoıdy. Aqyry isti Astana qalalyq ishki ister depar­tamenti qolǵa aldy. Jáne jaı alyp qoıa salǵan joq, artynsha júrgizýshini óltirgen qanypezerlerdi de tapty. Bar quqaı olardyń óz qur­bandaryn kómip ketken kóri­nen shyqty. Ashyp qarasa, shuń­qyrda adam túgili saıtan da joq. Astanalyqtardyń tuıyqqa tirelgen jeri osy boldy. Al áriptesteriniń kisi óltirýshi qylmyskerlerdi tapqanynan habardar bolyp otyrǵan Arshalydaǵy at tóbelindeı áperbaqandar sol boıy shala búlinip sala berdi. Baqtybaı bahadúr endi manaǵy óliktiń ústinen shyqqan adam men shuńqyrda maskúnem bolyp «oınaǵan» jigitti shuǵyl taýyp áke­lýge pármen berdi. Olar áke­lingesin jaqyn mańdaǵy sharýa qojalyǵynyń birindegi baspanaǵa ýaqytsha qamaldy. Sirá, dabyr basylǵansha eki birdeı qylmystyń – adam ólimi men ony jasyrýdyń kýási esebindegi jigitterdi ja­syryp qoıǵylary kelgen sııaqty. Biraq arada birer kún ótkesin, olardyń biri qapastan qashyp shyǵyp, Astana polısııasyna keledi...

Budan arǵysy belgili. Sol boıda Arshaly aýdandyq ishki ister bóliminiń laýazymdyq quramy túgel tutqyndaldy. «Atalmysh is boıynsha ter­geýdi aýdan prokýrory Ba­ýyrjan Qusaıynovtyń ózi júrgizdi. Qazirgi tańda tergeý aıaqtalyp, is sotqa ótkizildi. Ol boıynsha aýdandyq ishki ister bóliminiń bastyǵy, onyń eki orynbasary jáne taǵy tórt qyzmetker kúdikti retinde atalýda», – dedi Aqmola oblysy prokýrorynyń baspasóz hatshysy Aqqý Múrsálimova osyǵan oraı.

Sonymen, Eýropanyń or­ta ǵasyrlardaǵy saraı ma­ńy jurty arasynda ǵa­na kez­desetin shym-shy­ty­ryq shyr­­ǵalańdarǵa uqsas aq­mo­la­lyq oqıǵaǵa oraı qoz­ǵalǵan sot prosesi bastalyp jatyr.

Qurysh NURYMBET.