Oblystyq Tótenshe jaǵdaılar departamentiniń málimetinshe, elimizdiń "Azamattyq qorǵaý týraly" zańyna sáıkes jergilikti ákimdikterdiń quzyretine órt sóndirý qyzmetiniń bólimsheleri joq aýyldarda órt sóndirý beketterin quryp, olardy materıaldyq-tehnıkalyq jaǵynan qamtamasyz etý aıtylǵan, - dep habarlaıdy Egemen.kz.
Al, oblystardyń aýmaqtardy damytý baǵdarlamalaryna elimizdiń Tótenshe jaǵdaılar komıtet "Tótenshe jaǵdaılarǵa qarsy áreket etý ınfraqurylymymen qamtamasyz etý deńgeıi" maqsatty jobasyn engizgen edi. Osy jobany oryndaý maqsatynda óńirde jyl saıyn qajettilikke qaraı órt sóndirý beketteri qurylyp jatyr.
О́rt sóndirý beketteri ormandy aýyldyq aýmaqtarda, jáne Ekibastuz, Aqsý qalalarynyń, Baıanaýyl jáne Pavlodar aýdandary ákimdikteriniń jeke bastamasy boıynsha qurylǵan.
О́ńirdegi orman-dalaly jerlerdi, aýyldardy órtten qorǵaýdyń aýdanaralyq qurylymynyń jobasyna sáıkes Ekibastuz jáne Aqsý qalalarynyń aýyldyq aýmaqtarynda, Aqtoǵaı, Jelezın, Maı, Pavlodar jáne Tereńkól aýdandarynda 15 órt sóndirý beketi quryldy.
Sondaı-aq óńirdegi Aqtoǵaı, Aqqýly, Baıanaýyl, Ertis, Jelezın, Maı, Ýspen jáne Sharbaqty aýdandarynda 19 órt sóndirý beketi óz jumysyn bastady.
Bıyl aýmaqtardy damytý baǵdarlamasy boıynsha Aqqýly, Baıanaýyl, Maı, Ýspen jáne Sharbaqty aýdandarynda 5 órt sóndirý beketin qurylady.
Buǵan deıin qurylǵan 39 órt sóndirý beketi 45 myńǵa jýyq turǵyny bar 161 aýyldy órt qaýpinen qorǵaýda. О́rt sóndirý beketteriniń qaramaǵynda 41 birlik tehnıkasy, onyń ishinde 24 órt sóndirý jáne 17 laıyqtalǵan tehnıka birligi bar.
Tótenshe jaǵdaılar departamenti jergilikti ákimdikterge beketterdi arnaıy tehnıkamen qamtamasyz etýde kómek kórsetedi.
2012-2019 jyldar aralyǵynda Departament óńirdiń qalalyq jáne aýdandyq ákimdikteriniń balansyna 32 birlik arnaıy órt sóndirý tehnıkasyn jetkizdi.