Qyrǵyzstanda taǵy 205 adam koronavırýs ınfeksııasyn juqtyrdy. Bul eldegi pandemııa bastalǵaly tirkelgen eń kóp kórsetkish, - dep habarlaıdy Egemen.kz.
Qyrǵyzstannyń koronavırýspen kúres memlekettik shtabynyń málimetinshe, elde vırýs juqtyrǵandardyń jańa 205 jaǵdaıy tirkelgen. Onyń 82-si Bishkekte anyqtalǵan. Bul pandemııa bastalǵaly beri elde tirkelgen rekordty kórsetkish.
Belgili bolǵandaı, vırýs juqtyrǵandardyń ishinde medısına qyzmetkerleri de bar. Keshe tirkelgen 205 naýqastyń 26-sy medısına qyzmetkeri. Osy ýaqytqa deıin bul elde 582 medısına qyzmetkeri indet juqtyrǵan.
О́tken táýlikte koronavırýs juqtyrǵan taǵy 3 naýqas qaıtys boldy, 10 adam indetten jazylyp shyqty.
Jalpy elde búginge deıin 3356 adam koronavırýs ınfeksııasyn juqtyrdy, 40 adam kóz jumdy, 2021 adam emdelip shyqty.