Sanaly ǵumyryn jas urpaqtyń sapaly bilim alýyna arnaǵan bilikti ustaz Qusıyn Aıtqalıev bıyl 90 jasqa tolar edi, - dep habarlaıdy Egemen.kz.
Ol 1930 jyly dúnıege kelgen. Atyraý muǵalimder ınstıtýtyn bitirgen. 1950 jyldan beri Mahambet aýdanyndaǵy birneshe mektepte ustazdyq jolyn jalǵastyrdy. Aldymen Qultaı jetijyldyq mektebinde eńbek jolyn bastaǵan. Keıin 1956-1958 jyldary Talǵaırań orta mektebiniń dırektory, 1958-1970 jyldary Alǵa orta mektebinde dırektordyń orynbasary, 1995 jylǵa deıin dırektory bolǵan.
Ol 1962 jyly Qazaq SSR Halyq aǵartý isiniń ozyq qyzmetkeri, 1967 jyly Qazaq SSR-iniń eńbek sińirgen mektep muǵalimi, KSRO Joǵarǵy Soveti Prezıdıýmynyń 1980 jylǵy 18 mamyrdaǵy Jarlyǵymen "KSRO Halyq muǵalimi" atanǵan. "Eńbek Qyzyl Tý", "Parasat" ordenderimen marapattalǵan.
Sondaı-aq, uzaq jylǵy pedagogıkalyq eńbek jolynda Búkilodaqtyq halyq sharýashylyǵy jetistikteri kórmesiniń kúmis medalin, Y.Altynsarın atyndaǵy tósbelgini ıelendi. Respýblıkalyq qazaq tili men ádebıeti pánderi muǵalimderiniń ataýly mektebiniń jetekshisi boldy. Sondaı-aq, 5-shi synypqa arnalǵan qazaq ádebıeti oqýlyǵynyń avtory edi.
Atyraý