Mádenıet jáne sport mınıstrligi Til saıasaty komıteti men Sh.Shaıahmetov atyndaǵy "Til-Qazyna" ulttyq ǵylymı-praktıkalyq ortalyǵy 25 maýsym kúni saǵat 11.00-de termincom.kz saıtynyń youtube kanalynda "Áleýmettik jeli termınderiniń termınjasamdaǵy orny" taqyrybynda onlaın-konferensııa ótkizedi, - dep habarlaıdy Egemen.kz.
Búginde áleýmettik jeli álem moıyndaǵan aqparat almasýdyń birden-bir quraly bolyp tabylady. Desek te áleýmettik jeli - aqparat pen naryqty damytýmen qatar qazaq termınderiniń qoǵamdaǵy ornyn aıqyndaýshy, ulttyq tildiń mádenıetine yqpal etýshi qural. Atalǵan shara áleýmettik jelide qoldanylatyn termınderdiń termınjasamdaǵy ornyn aıqyndaýǵa, ulttyq til mádenıetine yqpalyn anyqtaýǵa baǵyttalady.
Onlaın-konferensııada A.Baıtursynuly atyndaǵy Til bilimi ınstıtýtynyń ǵylymı qyzmetkeri Nurlan Shúlenbaev, Shonbay Online ýnıversıteti PR & Media bóliminiń jetekshisi, SMM-manager, kopıraıter Aqerke Kamal áleýmettik jeli termınderiniń qoldanysy, onyń til mádenıetine áseri jóninde oı qozǵaıtyn bolady.
Áleýmettik jeli termınderine qatysty suraqtaryńyzdy termincom.kz saıtynyń youtube kanaly arqyly qoıyp, pikirlerińizben bólise alasyzdar.