Almatyda jyl basynan beri memlekettik baǵdarlama aıasynda óz kásibin ashý úshin 700-den astam adamǵa 555 myń teńge kóleminde grant berilgen, - dep habarlaıdy Egemen.kz.
Almaty qalasy áleýmettik ál-aýqat basqarma basshysynyń orynbasary Danııar Álkebaıuly onlaın brıfıng barysynda "Bastaý Bıznes" kýrsynan ótken 706 adam qarjylaı grantqa ıe bolǵan. Olar qazirgi kezde óz kásipterin ashyp, jumys bastap ketken.
"Eńbek" memlekettik baǵdarlamasynyń ekinshi baǵyty aıasynda jańa bıznes ıdeıalardy júzege asyrýǵa, jeke bıznes ashýǵa nemese qoldanysta kásipti keńeıtýge 555myń teńgege deıin granttar qarastyrylǵan. Búgingi kúni 706 adam 392,3 mln teńgege grant aldy. Osy jobaǵa qatysam deýshiler jumyspen qamtý ortalyǵyna júgine alady", – dep atap ótti D.Álkebaıuly. Al "Jumyspen qamtýdyń jol kartasy baǵdarlamasy" boıynsha 103,9 mlrd teńgege 216 ınfraqurylymdyq joba júzege asyrylatyn bolady. Infraqurylymdyq jobalardy iske asyrý aıasynda jumyssyz jastarǵa basymdyq beriledi. Barlyǵy 26 myń jańa jumys ornyn qurý josparda. Búgingi tańda atalǵan joba aıasynda 14,3 myń jumys orny qurylsa, onyń 12 myńyjumyspen qamtý ortalyǵy arqyly ornalasqan.
Almaty