Jylyna qýattylyǵy 240 mıllıon ınkýbasııalyq jumyrtqa shyǵaratyn "Aitas KZ" AQ Asyl tuqymdy qus sharýashylyǵy Reprodýktory ınkýbasııalyq jumyrtqa óndirisi boıynsha TMD-daǵy eń úlken joba bolmaq, - dep habarlaıdy Egemen.kz.
Qus etine suranys jyldan jylǵa artyp keledi. Máselen, 2019 jyly Qazaqstanda qus etin tutyný deńgeıi – 373 000 tonna bolǵan. 2020 jyly bul kórsetkishtiń 395 000 tonnaǵa jetetini boljanyp otyr.
Atap óterligi, broıler balapandardyń bolashaq býynynyń balapandary qus fabrıkasyndaǵy ınkýbasııalyq jumyrtqalardan shyǵady. Túsindire keter bolsaq, ınkýbasııalyq jumyrtqa – qustyń ómirsheń tuqymyn alý maqsatynda shyǵarylatyn taýyqtyń jumyrtqasy.
2020 jyldyń maýsym aıynda "Aitas KZ" AQ-nyń Almaty oblysyndaǵy qus fabrıkasyn ıemdenýine qatysty "Nauryz Agro" JShS-men kelisimi aıaqtaldy.
Almaty oblysyndaǵy qus fabrıkasyn alý – "Aitas KZ" AQ-nyń qus fabrıkalary úshin ınkýbasııalyq jumyrtqany óndirý boıynsha Asyl tuqymdy qus sharýashylyǵy Reprodýktory jobasyn júzege asyrýǵa múmkindik beredi.
"Aitas KZ" AQ Asyl tuqymdy qus sharýashylyǵy reprodýktory TMD-daǵy qýattylyǵy jylyna 240 mıllıon ınkýbasııalyq jumyrtqa óndiretin eń úlken joba bolady. Ári damý strategııasyn esepke ala otyryp, qus sharýashylyǵy baǵytyndaǵy Toptyń qajettigin jabýǵa jol ashady.
"Aitas KZ" AQ holdınginiń quramynda "Kýs&Vkýs" brendimen ónim shyǵaratyn О́skemen (О́QF) jáne Makınsktegi Qus fabrıkalary (MQF) jumys istep tur. Sonymen birge MQF-nyń ınkýbasııalyq jumyrtqaǵa qajettigi alys sheteldegi elderden keletin ımport arqyly qamtamasyz etiledi. Al О́QF-taǵy ınkýbasııalyq jumyrtqalar kólemi eki fabrıkany qamtýǵa jetpeıdi.
"Biz qorshaǵan ortany jaqsy jaqqa ózgertý úshin bıznesti órkendete jumys júrgizemiz. Bizdiń tutynýshylardyń, qyzmetkerlerdiń, seriktesterdiń múddesi – mine, bizdiń kúndelikti jumysymyzdyń baǵyt-baǵdary osy. Kún saıyn júz myńdaǵan adamnyń ómirin qalaı jaqsartamyz degen oıda júremiz. Bul kelisimniń sátti jasalǵanyna óte qýanyshtymyz. Osynyń nátıjesinde qysqa merzimniń ishinde qus sharýashylyǵy baǵytyn ózindik jeke óndirisimizdegi ınkýbasııalyq jumyrtqamen qamtamasyz ete alamyz", - dep atap ótti óz sózinde "Aitas KZ" AQ bas dırektory Serik Tolyqpaev.
Jeke ınkýbasııalyq jumyrtqa ózindik qundy tómendetip, óndiristiń tıimdiligin arttyrady. Odan bólek jeke óndiris valıýtalyq táýekelderdi, tasymaldyń toqtap qalýyn aınalyp ótip, bıoqaýipsizdikti qamtamasyz etedi.
"Aitas KZ" AQ-nyń ınkýbasııalyq jumyrtqa óndirisi boıynsha Almaty qus fabrıkasy jergilikti halyq úshin jańa jumys oryndaryn quryp, aımaqtaǵy aýyl sharýashylyǵyn damytýǵa serpin beredi.