Kendi Altaıdyń aýylsharýashylyq qyzmetkerleri, dıqan-mehanızatorlary eńbek jeńisine ıe boldy. Aýa raıynyń jaýyndy-shashyndy, qolaısyz bolǵanyna qaramastan búgingi kúni óńirdegi dándi-daqyldar tolyǵymen jınalyp, tuńǵysh ret 1 mıllıon 23 myń tonna altyn astyq memleket qambasyna quıyldy. Bıylǵy astyqtyń shyǵymy eren – gektarynan 18 sentnerden, Zyrıan, Glýbokoe, Shemonaıha, Borodýlıha, Úrjar, Ulan aýdandarynda 20-25 sentnerge deıin egin oryldy.
Kendi Altaıdyń aýylsharýashylyq qyzmetkerleri, dıqan-mehanızatorlary eńbek jeńisine ıe boldy. Aýa raıynyń jaýyndy-shashyndy, qolaısyz bolǵanyna qaramastan búgingi kúni óńirdegi dándi-daqyldar tolyǵymen jınalyp, tuńǵysh ret 1 mıllıon 23 myń tonna altyn astyq memleket qambasyna quıyldy. Bıylǵy astyqtyń shyǵymy eren – gektarynan 18 sentnerden, Zyrıan, Glýbokoe, Shemonaıha, Borodýlıha, Úrjar, Ulan aýdandarynda 20-25 sentnerge deıin egin oryldy.
Shyǵys Qazaqstan oblysynyń egin ósirýmen shuǵyldanatyn sharýa qojalyqtary, dıqan-mehanızatorlar bul tabysqa jerge mıneraldy tyńaıtqyshtardy sińirý, progressıvti tehnologııany batyl qoldaný, jańa tehnıkany satyp alý nátıjesinde qol jetkizdi. Onyń ústine oblys ákimi B. Saparbaevtyń bastamasymen sońǵy úsh-tórt jylda óńirde egistik kólemi 300 myń gektarǵa ulǵaıdy. Bıyl 1293,7 myń gektarǵa dándi-daqyldar egildi. О́tken jyldyń tıisti merzimimen salystyrǵanda, ol 77,6 myń gektarǵa artyq. Sonymen birge, oblystyń aýylsharýashylyq qurylymdaryna 3465 mıllıon teńgege jańa tehnıka satyp áperildi.
– Elbasynyń Qazaqstan halqyna Joldaýynda aýyl sharýashylyǵyn túbegeıli jetildirý, eksportqa astyq, kókónis jóneltýdi durys jolǵa qoıý máselesi tapsyrylǵany belgili. Bul oraıda, óńir basshysynyń bastamasymen aýylsharýashylyq qurylymdary ilkimdilik pen izdenister tanytýda. Kúnbaǵys, un, ósimdik maıy, et ónimderi, bal jáne kókónis daqyldaryn eksportqa shyǵarýda jaqsy nátıjelerge qol jetkizdik. Máselen, ótken jyly eksportqa 2,6 mıllıard teńgeniń, al bıylǵy 8 aıda 4,7 mıllıard teńgeniń aýylsharýashylyq ónimderin jónelttik. Bıyldyń ózinde oblys ortalyǵynda barlyq aýdandar men qalalardyń aýylsharýashylyq jármeńkeleri ótip, qala turǵyndary arzan et, sút, kókónis ónimderin satyp aldy. 12-14 qazanda Almaty qalasynda Shyǵys Qazaqstan oblysy mádenıetiniń kúnderi jáne jármeńkesi ótedi. Munyń aldynda Astanada oblys jármeńkesi kúnderi jurt esinde qalatyndaı mándi de sándi ótkeni belgili. Sonymen birge, óńir basshysynyń bastamasymen Shyǵys Qazaqstan oblysynyń jármeńkesi birqatar oblystarda atap ótilmek, – deıdi oblystyq aýyl sharýashylyǵy basqarmasynyń bastyǵy Dúısembaı Selıhanov.
Oblys dıqandarynyń eńbektegi eren tabystary jalǵasa bermek.
Ońdasyn ELÝBAI,
«Egemen Qazaqstan».
Shyǵys Qazaqstan oblysy.