Atyraýdaǵy kópqabatty turǵyn úı qabyrǵasyna erekshe karta salyndy. Ony qolǵa alǵan N.Tilendıev atyndaǵy kishi óner akademııasynyń sýretshisi Mıras Janǵojıevtiń aıtýynsha, karta sybaılas jemqorlyqqa qarsy qyzmettiń parasattylyq, ádildik jáne senim sııaqty qundylyqtaryn qamtıdy.
О́ıtkeni, parasattylyq ıdeologııasy sybaılas jemqorlyqqa qarsy kúresti kúsheıtýdiń tujyrymdamalyq negizi retinde aıqyndalǵan. Bul keshendi uǵymǵa adaldyq, ádeptilik, zańdylyq, satylmaýshylyq, senimdilik, adamgershilik, turaqtylyq jatady.
– Bizdiń akademııadaǵy beıneleý óneri jáne dızaın kafedrasynyń oqytýshylary sybaılas jemqorlyqqa qarsy kúreske óz úlesin qosyp, áleýmettik zulymdyqpen kúresýdi maqsat etip otyr. Mundaı jobalar óte kúrdeli bolǵanymen, biz óz jumysymyzdyń nátıjesin qala turǵyndarynyń oń pikir bildirýinen baıqaımyz, – deıdi sýretshi Mıras Janǵojıev.
Onyń aıtýynsha, bir sýret bir aptadan 10 kúnge deıingi merzimde salyndy. Sýretshiler oǵan arnaıy boıaý quıylǵan 100-den astam balondy paıdalanady.
– Balondardaǵy boıaý sapasy sýǵa tózimdi. Sol sebepten úıdiń qabyrǵasy sapaly ári senimdi bolsa, sýretter uzaq ýaqyt boıy saqtalyp turady. Mundaı sýretterdi alda da salýdy oılastyrýdamyz, – deıdi ol.
ATYRAÝ