Bul derek quqyq qorǵaý organdarynyń birlesken reıdi kezinde anyqtaldy.
Atyraý oblysy boıynsha Ekonomıkalyq tergeý departamenti polısııa jáne oblystyq taýarlar men kórsetiletin qyzmetterdiń sapasy men qaýipsizdigin baqylaý departamentterimen birge ótkizgen reıdtik is-shara kezinde tapshy dári-dármekterdi birneshe esege qymbat baǵamen satylǵany anyqtalyp otyr.
Departamenttiń málimetine súıensek, qaladaǵy jeke kosmetologııalyq klınıkada birneshe dári-dármek lısenzııalyq qujatsyz ári zańsyz satylyp kelgen. Onyń ishinde koronavırýs ınfeksııasyn juqtyrǵan naýqastardyń týystary taba almaı júrgen azıtromısın men ıngavırın sekildi qat dári-dármekter bolǵan. Klınıkadan 636 qaptama parasetomol, 1519 dana seftrıakson, 1000 qaptama asetılen qyshqyly, 233 ampýla lıdokaın, 12 qaptama sıtramon, 3 qaptama azıtromısın, 117 ampýla deksametazon jáne ózge de dári-dármektiń 5 myńnan astam danasy tabyldy.
Qazir atalǵan fakti boıynsha QR Qylmystyq Kodeksiniń 214-babymen (Zańsyz kásipkerlik) sotqa deıingi tergeý bastaldy.