Kúzgi semestr onlaın túrde ótetin bolsa, AQSh-ta oqıtyn sheteldik stýdentter elden óz erkimen ketýi tıis. Bul týraly Bul týraly Qurama Shtattardyń kóshi-qon jáne keden polısııasy habarlady, - dep jazady Egemen.kz
Sonymen qatar, koronavırýsty juqtyrýdyń 2,9 mln-nan astam jaǵdaıy tirkelgen elde birden birneshe ýnıversıtet qaýipsizdik maqsatynda kúzgi semestrde ǵana emes, kelesi oqý jyly onlaın túrde ótkiziletinin jarııalady.
BBC agenttiginiń málimetinshe, bul ózgerister AQSh-ta F-1 jáne M-1 vızalarymen júrgen barlyq sheteldikke áser etedi. Vızanyń birinshi túri halyqaralyq stýdentterge elde oqý úshin berilse, ekinshisi — kásibı kýrstardan ótý úshin, mysaly, biliktilikti arttyrý úshin beriledi.
Kedendik jáne ımmıgrasııalyq máseleler jónindegi agenttiktiń habarlamasynda, eger ýnıversıtet aldaǵy kúzgi semestrde tolyq onlaın-oqýǵa aýyssa, stýdentter elde qalǵysy kelse, qandaı da bir áreket jasaýy tıis. Mysaly, osy semestrge kúndizgi oqý bóliminde oqıtyn basqa joǵary oqý oryndaryna aýysý. Bul talaptardy oryndamasa, sońy deportasııaǵa ákelýi múmkin.
Bul shekteýler alǵashqyda stýdentterdi kúndizgi oqý bólimine alǵan ýnıversıtetterge de qatysty, biraq epıdemııaǵa baılanysty barlyq ýnıversıtet onlaın oqýǵa kóshýge májbúr.