Saýd Arabııa bıligi pandemııaǵa baılanysty aldaǵy qajylyq kezinde qajylarǵa Qaǵbany ustaýǵa tyıym salady, dep habarlaıdy Egemen.kz
Bıyl qajylyq 28 shilde men 2 tamyz aralyǵynda belgilengen.
"Qaǵbany ustaýǵa jáne ony súıýge tyıym salynady", – delingen Qajylyq jáne ýmra isteri mınıstrliginiń habarlamasynda. Sondaı-aq bılik ókilderi tasqa jaqyndamaýdyń aldyn alý úshin arnaıy kedergiler ornatatynyn málimdedi.
Jergilikti basylym Ash-Shark ál-Aýsat: "Árbir joralǵyǵa qatysý barysynda tek 50 adamnan shoǵyrlana alady. Árqaısysyna jeke qolǵap pen betperde kııýmen qatar, araqashyqtyq 1,5 metr aspaýy mindetteldi", deıdi.
Ararat tóbesindegi shatyrlar arasyndaǵy qashyqtyq ta 1,5 metrden kem bolmaýy tıis. Mekkede ornalasqan qasıetti Zámzam bulaǵynyń kózindegi sýdy da tek bir rettik ydysta ǵana beredi.
Aldyńǵy aqparattarda Saýd Arabııa bıligi osy jylǵy qajylyqtyń shetelden keletin qajylardyń qatysýynsyz ótetinin jarııalaǵan edi. Jyl saıyn keminde eki mıllıon qatysa alatyn qajylardyń sany bıyl on myńǵa deıin azaıdy.