Maýsym aıynda jan basyna shaqqandaǵy eń tómengi kúnkóris deńgeıi 34 myń teńgege jetti. Bul ótken jylmen salystyrǵanda 13,7% kóp, - dep habarladyEgemen.kz finprom.kz-ke silteme jasap.
Azyq-túlik sebetine 18,7 myń teńge (eń tómengi kúnkóris deńgeıiniń 55%), azyq-túlik emes taýarlar men aqyly qyzmetterge 15,3 myń teńgeden (45%) keledi. Eń joǵary kúnkóris deńgeıi Mańǵystaý oblysynda: 39,9 myń teńge. Bul kórsetkish bir jyl buryn 36,9 myń teńge bolǵan. Jyldyq ósim 8,2% qurady. Ekinshi qatarda - Nur-Sultan qalasy. Elordadaǵy eń tómengi kúnkóris quny 39,5 myń teńgege jetti, bul ótken jylǵa qaraǵanda 13,2% kóp. Úshtikti Almaty aıaqtaıdy, onda eń tómengi ómir súrý quny 37,3 myń teńgeni qurady (bir jylda +14,6%).
Bir jyl ishinde eń tómengi kúnkóris deńgeıiniń qurylymy ózgerdi. Sonymen, et jáne balyq ónimderi úlesiniń ósýi baıqaldy – 19,5%-ten 19,7% deıin. Jemister men kókónisterdiń úlesi 12% deıin kóbeıdi. Soondaı-aq sút, maı ónimderi men jumyrtqanyń úlesi 14,4%, qant, shaı jáne dámdeýishter 1,7% deıin tómendedi.