Almaty oblysynyń ákimi Amandyq Batalovtyń koronavırýs juqtyryp, oqshaýlanǵanyn buǵan deıin jazǵan bolatynbyz. Qazir oblys basshysynyń densaýlyǵy qalypty eken. Ol Nur-Sultan qalasynda em qabyldaýda, - dep habarlaıdy Egemen.kz.
Bul týraly aımaqtaǵy juqpaly indetpen kúres sharalarynyń barysy týraly onlaın brıfıngte esep bergen oblys ákiminiń orynbasary Batyrjan Baıjumanov aıtty.
- Eki apta buryn oblys basshysynyń densaýlyǵyna qatysty oqshaýlanǵanyn bilesizder. Amandyq Ǵabbasuly Taldyqorǵandaǵy kópsalaly aýrýhanada em qabyldaǵan bolatyn. Keıinnen dárigerlerdiń keńesi boıynsha Nur-Sultan qalasyndaǵy kordıologııalyq ortalqqa aýystyryldy. Dál qazirgi sátte oblys ákimi ózin jaqsy sezinedi. Jaqyn kúnderi saýyǵyp, qyzmetine oralady, - dedi Batyrjan Baıjumanov.