Qostanaı oblysynda júrgizilgen reıd sharalary barysynda Reseıden dári-dármek ákelip, onyń ústine 30% ústeme baǵa qosyp satpaq bolǵan 29 jastaǵy Qostanaı qalasynyń turǵyny ustaldy, dep habarlaıdy Egemen.kz
Polısııa qyzmetkerleri alypsatardyń kóliginen ınfeksııalyq aýrýlardy emdeýge paıdalanylatyn 18 túrli 200-den astam qaptama dári tabylǵanyn málimdedi. Zańsyz satylymdaǵy dárilerdiń ishinde parasetamol, asetılsısteın, aspırın sııaqty áleýmettik mańyzǵa ıe preparattar bar.
Atalmysh oqıǵaǵa qatysty QR QK 214 babynyń 1 bóliminde kórsetilgen "Zańsyz kásipkerlikpen aınalysý" qylmysy boıynsha sotqa deıingi tergeý amaly júrip jatyr.
Sondaı-aq, tártip saqshylary oblys ortalyǵyndaǵy dúkenderdiń birinde medısınalyq maska satyp turǵan 50 jastaǵy er adamdy ustaǵan. Dál osyndaı oqıǵa Tobyl qalasynda da oryn alyp otyr.
"Eki oqıǵaǵa qatysty materıaldar taýarlar jáne kórsetiletin qyzmetterdiń sapasy men qaýipsizdigin baqylaý departamentine jiberildi", dep habarlady PD-niń baspasóz qyzmeti.
Qostanaı oblysy