Jazǵy demalystyń bastalýymen ShQO sybaılas jemqorlyqqa qarsy qyzmetine mektep oqýshylarynyń ata-analarynan, sondaı-aq pedagogtardan mektepti jóndeý jumystaryna zańsyz aqsha jınalyp jatqandyǵy týraly shaǵymdar kelip túsýde. Qurylys materıaldaryn óz qarajatyna satyp alýmen qosa muǵalimder jóndeý jumystaryn ózderi júrgizýi kerek degen tapsyrma túsken, - dep habarlaıdy Egemen.kz.
Osyǵan baılanysty, Shyǵys Qazaqstan oblysynyń Sybaılas jemqorlyqqa qarsy qyzmeti muǵalimderden zańsyz aqsha jınaı otyryp, olardy kásibı mindetterine baılanysty emes jumys túrlerine tartý - zań talaptaryna qaıshy ekenin eskertedi.
"Olarǵa taýarlar men qyzmetterdi satyp alý boıynsha mindetter júkteı otyryp, mektep dırektorlary QR "Pedagog mártebesi týraly" Zańynyń jáne QR "Bilim týraly" Zańynyń talaptaryn buzatynyn eskertemiz", - deıdi olar.
Osyǵan baılanysty, aqsha qarajaty májbúrlep jınalǵan nemese mektep ákimshiligi tarapynan qysym jasalǵan jaǵdaıda, ShQO sybaılas jemqorlyqqa qarsy qyzmeti ata-analardy, pedagogtardy QR Sybaılas jemqorlyqqa qarsy kúres agenttiginiń Call-ortalyǵyna 1424 nómiri boıynsha habarlasýǵa shaqyrady.