Búgin, 13 qazan kúni Aqtaýda kólik qoıatyn jerge talasyp qalǵan eki jigittiń biri ekinshisin myltyqpen atty. Bul týraly «Lada.kz» habarlady.
Oqıǵa tańerteń qaladaǵy 3 «a» shaǵyn aýdanynyń 27-úıi janynda bolǵan. Eki júrgizýshi kólikterin qoıatyn jerge kelise almaı qalady. Krımınaldy polısııa basshysy Pavel Tarabrınniń aıtýynsha, olardyń eshqaısysy bir-birine jol bergisi kelmegen.
Sózben qaǵysqan shıelenis sońy olardyń biriniń qaltasynan pnevmatıkalyq tapansha shyǵaryp, ekinshisin atýymen aıaqtalǵan. Qarsylasyn jaraqattap tastaǵan júrgizýshi sol boıy oqıǵa bolǵan jerden qashyp ketedi. Keıinirek polısııa qyzmetkerleri ony 28-shy shaǵyn aýdannan baıqap qalady.
Jaraqat alǵan jigit aýrýhanaǵa jatqyzyldy. Abyroı bolǵanda, onyń jaraqaty jeńildeý bolyp shyqty. Jedel járdem kórsetilgennen keıin ol úıine jiberildi. Al kúdikti izdestirilip jatyr.
Qurysh Nurymbet.