Búgin, 14 qazan kúni Almatynyń ortalyq kósheleriniń boıynda buryn-sońdy bolmaǵan kórinis – sırktiń kerýeni júrip ótti. Bul týraly BNews.kz tilshisi habarlady.
«Abaı atyndaǵy dańǵylda naǵyz sırk kavalkadasy ótti. Úıretýshileri bastaǵan pilder, ponıler, attar toby Almaty qalasy turǵyndaryn qatty tań qaldyrdy jáne kóńilderin kóterip ketti. Ekzotıkalyq jan-janýarlar qalalyq ishki ister departamenti qyzmetkerleriniń alyp júrýimen sherý tartty», - delingen habarlamada.
Ońtústik astana jurtshylyǵy osylaı biraz ýaqyt sırk ańdarynyń tamashasyn qyzyqtady.
Aıta ketý kerek, mundaı oqıǵa buryn Almatyda eshqashan bolǵan emes.
Murat Aıtqoja.