Parlamenttiń Májilis jáne Senat Tóraǵalary Nurlan Nyǵmatýlın men Máýlen Áshimbaev koronavırýstan qaıtys bolǵan qazaqstandyqtardy eske aldy. Bul týraly Egemen.kz Parlament Májilisiniń baspasóz qyzmetine silteme jasap habarlaıdy.
Búgin Májilis pen Senat ǵımarattaryndaǵy Memlekettik Tý tómen túsirildi. Memleket Basshysy Qasym-Jomart Toqaev jarııalaǵan Jalpyulttyq aza tutý kúninde Parlamentte koronavırýs indetinen qurban bolǵan azamattarǵa arnalǵan eske alý rásim ótti.
Parlamenttiń Májilis jáne Senat tóraǵalary Nurlan Nyǵmatýlın men Máýlen Áshimbaev barlyq depýtattyq korpýs atynan koronavırýs indetinen qaıtys bolǵan qazaqstandyqtardy bir mınýttyq únsizdikpen eske aldy.
Qazaqstan Respýblıkasy Parlamentiniń depýtattary koronavırýs indeti saldarynan týystary men jaqyndarynan aıyrylǵan qazaqstandyqtardyń qaıǵylaryna ortaqtasa otyryp, kóńil aıtady.