Dúısenbi kúni Gonkongta koronavırýs juqtyrǵan 50 adam tirkeldi, dep jazady Egemen.kz QazAqparatqa silteme jasap.
SCMP basylymynyń jazýynsha, Gonkong ákimshiligi koronavırýs ınfeksııasyn juqtyrǵandar sany kúrt artyp ketýine baılanysty áleýmettik qashyqtyq sharasyn kúsheıtý máselesin qarastyryp jatyr. Jalpy, QHR arnaıy ákimshilik aýdanynda 5-11 maýsym aralyǵynda 211 COVID-19 juqtyrý oqıǵasy tirkelip, olardyń 143-i ólimmen aıaqtalǵan.
Osyǵan baılanysty dúısenbiden bastap Gonkongta balabaqsha men mektepter jumysyn toqtatyp, jazǵy demalysqa erte ketedi.
Gonkongtyń densaýlyq saqtaý departamenti koronavırýstyń taralýyn boldyrmas úshin qoǵamdy tıisti áleýmettik qashyqtyqty saqtaýǵa shaqyrady. Sonymen qatar, múmkindiginshe kóshege shyqpaýdy, qoǵamdyq is-sharalarǵa barmaýdy jáne qatty qajet bolmaǵan jaǵdaıda QHR ákimshilik aýdanynyń shekarasynan aspaýdy suraıdy.
Keıingi resmı derekterge sáıkes, Gonkongta 1469 koronavırýs indetin juqtyrý oqıǵasy tirkeldi.