Batys Qazaqstan oblysynda iz-tússiz joǵalǵan kásipkerge qatysty jańa derekter paıda boldy. Bul týraly «Astana» telearnasy habarlady.
Vladımır Volkov mingen tikushaqtyń markasy - «Robınzon- 44». Ol 13 qazanda saǵat tańǵy 7-ler shamasynda jeke tikushaqpen Jańaqala aýdanyndaǵy ańshylyq sharýashylyǵyna ketken bolatyn.
Belgili bolǵandaı, Vladımır Volkov «Talap» aksıonerlik qoǵamynyń prezıdenti qyzmetin atqarady. Tikushaqta dál osy kompanııanyń ókili Grıgorıı Polıanıchko da bolǵan eken. Keshe kásipker Volkovtyń áıeli Olga Dýnaeva jubaıynyń iz-tússiz ketkeni jaıly aryz jazdy.Onyń aıtýynsha, bul tikushaq «Oral-Jańaqala-Tasqala-Chıjı-Oral» baǵyty boıynsha ushýy múmkin. Qazir izdestirý jumystarymen ishki ister departamenti aınalysýda.
Baqytbek Keneshuly.