Respýblıkanyń basym bóligi áli de antısıklonnyń yqpalynda. Osyǵan baılanysty 15 shilde kúni jaýyn-shashynsyz, ystyq aýa raıy saqtalady, dep habarlaıdy "Qazgıdromet" RMK.
"Qazgıdromet" RMK málimetinshe, tek batys pen shyǵysta naızaǵaı oınap, jańbyr jaýady, batysta burshaq kútiledi. Keı jerde ekpindi jel soǵady, ońtústikte jáne batysta shańdy daýyl turady
Qyzylorda oblysynyń túnde keı jerinde, kúndiz basym bóliginde jel 15-23 m/s kúsheıedi, shańdy daýyl turady.
Batys Qazaqstan oblysynyń keı jerinde jel 15-20 m/s artady, daýyl, burshaq boljanady.
Jambyl, Túrkistan, Mańǵystaý oblystarynyń keı jerinde shańdy daýyl turyp, jeldiń kúshi 15-20 m/s kúsheıedi.
Qaraǵandy oblysynyń keı jerinde jel 15-23 m/s artady.
Kúndiz Atyraý, Aqtóbe oblystarynda 18 m/s ekpinde jel kútiledi.
Kúndiz Túrkistan, Qyzylorda, Mańǵystaý, Aqmola, Qostanaı, Soltústik Qazaqstan oblystarynda, Qaraǵandy oblysynyń ońtústiginde qatty ystyq kútiledi. Atyraý, Batys Qazaqstan, Aqtóbe oblystarynda qatty, keı jerlerde óte qatty ystyq bolady.
Sondaı-aq Atyraý oblysynda, Batys Qazaqstan, Qyzylorda, Qaraǵandy, Jambyl, Almaty oblystarynyń keı jerinde, Aqtóbe oblysynyń ońtústiginde, Túrkistan oblysynyń ońtústik-shyǵysynda joǵary órt qaýpi saqtalady.