Qyzylorda oblysynyń Qazaly aýdanynda 4 páterli 10 kredıttik turǵyn úı qurylysy bastaldy. Áıteke bı kentiniń 5 kvartal aýmaǵynanbastalǵan qurylystyń bas merdigeri "Munaı qurylys" kóp salaly qurylys fırmasy" jaýapkershiligi shekteýli seriktestigi, - dep habarlaıdy Egemen.kz
Qurylys basyna aýdan ákimi Murat Ergeshbaev arnaıy baryp, baspanalardyń sapaly salynýyna basa nazar aýdarýdy tapsyrdy.
Búginde turǵyn úı máselesi elimizdegi eń ótkir áleýmettik problemalar qatarynda tur. Sonyń ishinde, Qazalyda da baspana máselesi ózekti. Kredıttik baspana aýdandyq qurylys, sáýlet jáne qala qurylysy bóliminiń tapsyrysy boıynsha júzege asyrylýda. On úı de 8 aıda salynyp bitýi tıis. Alaıda merdiger mekeme turǵyn úıdiń qurylysyn jyldyń aıaǵyna deıin aıaqtaýdy josparlap otyr.
Joba boıynsha bir úıde 4 páter qaralǵan. Árbir úıde 2 bólmeli 2 páter, 3 bólmeli 2 páterden bar. Turǵyn úı gaz, aýyz sýmen, elektrmen qamtylady. Ár páter derbes jylý jáne ystyq sýmen biriktirilgen, gaz otyndy qazandyǵymen jabdyqtalady. Jańa baspanaǵa "Turǵyn úı qurylys jınaq banki" arqyly kezekte turǵan salymshylar qol jetkize alady.