"Býrabaı" ulttyq tabıǵı parkinde demalýshylar sanynyń kúrt kóbeıýinen, endi shıpajaıǵa barý úshin blokbeketter qoıylatyny týraly usynys jasaldy, dep habarlaıdy Egemen.kz
"Býrabaı" ulttyq tabıǵı parkinde demalýshylar sanynyń kúrt kóbeıýinen, ıne shanshar jer joq. Demalýshylarǵa kólge túsýge tyıym salynǵan taqtaısha tursa da, elemeı sýǵa túse beredi.
Basshylyqtyń aıtýynsha, olar medısınalyq-sanıtarlyq normalardy saqtamaıdy. Jergilikti polısııa ókilderi tıisti sharalardy qoldanǵanymen, munymen týrısterdi qorqytý múmkin emestigin atap ótti.
Tıisti sharalardy qoldaný negizinde, kópshiligi aýyzsha eskertýlermen shektelip qalady. Olardyń tek 8-ine ǵana aıyppul salynǵan.
"Endi demalýshylardan jazbasha túsinikteme alamyz. Jeke kýálikteriniń kóshirmesin alyp, ákimshilik tizimge tirkeımiz. Keıin ony Quqyqtyq statıstıka jáne arnaıy esepke alý jónindegi komıtetiniń tizimine qosamyz", deıdi Býrabaı aýdany ákimi apparatynyń basshysy Qasymhan Májikov.
Sonymen qatar Býrabaı aýdanynyń bas sanıtarlyq dárigeri Seraly Joldaspaev: "Adamdar aýrýdyń qanshalyqty qaýipti ekenin áli kúnge deıin túsinbeı júrgen sııaqty. Sondyqtan blokbeketter qoıý arqyly adamdardyń kóbirek shoǵyrlanýyn, ıaǵnı aýrýdyń beleń alýyn tııamyz. Al demalýshylardyń jaýapkershiligine senýden qaldyq", deıdi ol.