Dúnıejúzilik densaýlyq saqtaý uıymy sońǵy 24 saǵatta álemde koronavırýs juqtyrǵan 260 myń adam tirkelgenin málimdedi, dep habarlaıdy Egemen.kz tilshisi VVS-ge silteme jasap.
Uıymnyń habarlaýynsha, bul pandemııa bastalǵaly tirkelgen eń joǵary kórsetkish.
"Álemde koronavırýstan qaıtys bolǵandar sany 600 myńnan asty. Onyń tórtten biri Amerıka Qurama Shtattarynda tirkelgen. AQSh-ta COVID-19 ınfeksııasynan kóz jumǵandar sany 140 myńnan asqanyna qaramastan, Tramp eldegi ólim kórsetkishi álem boıynsha tómen dep málimdedi", - dep jazady basylym.
Aıta ketý kerek, koronavırýs juqtyrǵandar sany boıynsha Úndistan úshinshi orynǵa shyqty. Munda bir kúnde 35 myńnan astam adamnan COVID-19 anyqtaldy. Al vırýs juqtyrǵandar sany boıynsha birinshi jáne ekinshi orynda AQSh pen Brazılııa tur.