Qyzylorda qalalyq probasııa qyzmeti, probasııa esebinde turatyn turmys jaǵdaıy tómen, kópbalaly otbasylarǵa qol ushyn sozýdy ıgi dástúrge aınaldyryp keledi, - dep habarlaıdy Egemen.kz.
Búgin, probasııa qyzmetkerleri "Pro bono" qoǵamdyq qorymen birlesip, probasııa esebinde turatyn 5 kópbalaly azamatshanyń úıine baryp, olarǵa azyq- túlik sebetterin taratty.
"Jańylmaıtyn jaq,súrinbeıtin tuıaq bolmaıdy, - demekshi, joqshylyqtyń kesirinen qatelik jasadym. Árıne ókinemin. О́zim kópbalaly anamyn. Úlkenim azamat bolsa, qalǵandary mektep jasynda. Probasııa esebine turǵaly maǵan áleýmettik, medısınalyq kómek kórsetip keledi. Osy azamattardyń kómegimen "Aspaz, kondıter" kýrsty tolyq aıaqtadym. Karantınge baılanysty úıde otyrmyn.Jany jomart jandardyń arqasynda azyq- túlik ákelip, qaıyrymdylyq jasap jatsyzdar. Qyzylorda oblysy boıynsha Qylmystyq-atqarý júıesi departamentiniń basshysyna, probasııa qyzmetkerlerine qyzmetterine abyroı tileımin", - dep alǵysyn jetkizdi Alma esimdi eseptegi azamatsha.
Odan soń esepte turatyn 5 balasy bar, turmysy tómen otbasynyń úıine bet burdyq. Olarǵa da dál osyndaı azyq- túlik alyp bardyq. Balalardyń qýanyshtan júzderi bal-bul janyp, kózderi kúlimdep, hormen rahmetin aıtty. Bala kóńildiń rızalyǵynan, perishte júrektiń alǵysynan artyq eshteńe joq.
"Qazirgi tańda Qyzylorda qalalyq probasııa esebinde 592 sottalǵan esepte tur. Onyń 99-y áıel azamatshalar. Esepte turǵan azamattarǵa áleýmettik kómek kórsetý probasııa qyzmetiniń basty mindeti. Jýyrda probasııa esebinde turatyn kámelet jasqa tolmaǵan jasóspirimderge de osyndaı azyq- túlik sebetterin tarattyq. Jyl basynan óz tarapymyzdan da qoǵamdyq qorlardyń demeýshiligimen de kómekter kórsetilip keledi. Bundaı kómekter osymen toqtap qalmaıdy, aldaǵy ýaqytta da jalǵasyn tabatyn bolady", - dedi ádilet kapıtany Ernııaz Jeńis.