AQSh 72 saǵat ishinde Hıýston qalasyndaǵy Qytaıdyń Bas konsýldyǵyn jabýdy talap etti. Bul týraly Beıjińde ótken brıfıngte Qytaı Syrtqy ister mınıstrliginiń resmı ókili Van Ven habarlady, dep jazady Egemen.kz
Qytaı tarapy bul beıbereketsizdikke narazylyǵyn bildirdi. Amerıka qurama shtatynyń áreketteri halyqaralyq quqyq normalaryn jáne elder arasyndaǵy Konsýldyq kelisimdi aıtarlyqtaı buzyp otyrǵanyn málimdeıdi.
Aıta keteıik, jabý týraly talap 21 shildede kelip tústi. Qytaı dıplomatynyń aıtýynsha, AQSh úkimeti Qytaıdy stıgmatızasııalap, elshilik pen konsýl qyzmetkerlerin qýdalaǵan.
Al AQSh Memlekettik departamentiniń resmı ókili Morgan Ortagýs Vashıngton amerıkalyqtardyń zııatkerlik menshigi men jeke aqparattaryn qorǵaýdy qamtamasyz etý úshin Hıýstondaǵy Bas konsýldyqty jabýdy tapsyrdy.