Aımaqta buǵan deıin COVID-19 indetin anyqtaıtyn 4 zerthana jumys istep kelgen. Onyń úsheýi "Ulttyq saraptama ortalyǵyna" tıesili, - dep habarlaıdy Egemen.kz.
Al bireýi "Olımp" klınıkalyq-dıagnostıkalyq zerthanasy dep atalady. Bul zerthanalar táýligine 1300 zertteý júrgizip kelgen. Oblys ortalyǵynda jańadan ashylǵan 5-shi zerthana indetke qarsy júrgiziletin mańyzdy zertteýlerdiń sanyn táýligine 2 myńǵa deıin jetkizýge múmkindik berip otyr.
Qaterli indetti der kezinde anyqtaı alatyn qýatty ortalyq bıznes ókilderi tarapynan kórsetilgeen qoldaýdyń arqasynda iske qosyldy. О́ńirlik jedel aqparat shtabynyń málimetinshe, jergilikti kásipkerler jańa zerthanaǵa 43 mln teńge jınap bergen. Shamamen 29 mln teńge koronovırýsty zertteıtin zamanaýı qurylǵylardy satyp alýǵa jumsalypty. Al qalǵan 14 mln teńge kólemindegi qarjyǵa zerthana qýattylyǵyn birneshe ese arttyrýǵa múmkindik beretin arnaıy reagentter satyp alynǵan. Bul reagentter zertteý júrgizýge ketetin ýaqytty edýir únemdeýge de múmkindik beredi. Mysaly, buǵan deıin laboranttar bir zertteýge 1 jarym saǵattan 3 saǵatqa deıin ýaqyt shyǵyndap kelse, qazir naýqastan alynǵan taldaýdy aınalasy 15-20 mınýttyń ishinde zerttep úlgeredi.
Sonymen qatar, Úkimet basshysy A. Mamınniń aımaqtarda júrgiziletin zertteýlerdiń qýatyn arttyrý týraly tapsyrmasyn júzege asyrý aıasynda taıaý kúnderi Qostanaı qalasynyń irgesindegi Zarechnyı kentinde eki PSR-zerthana ashylmaq. Bul zerthanalar táýligine 400 zertteý júrgiziletin bolady.
Qostanaı oblysy