Kóktemgi balyq aýlaý maýsymynda Atyraý bekire shabaǵyn ósirý zaýytynyń mamandary jasandy toǵandarda shoqyrdyń 3 mln 658 myń shabaǵyn ósirgen edi, - dep habarlaıdy Egemen.kz.
Shoqyr shabaqtaryn sý aıdynyna jiberýdi Atyraý oblystyq orman sharýashylyǵy jáne janýarlar dúnıesi aýmaqtyq ınspeksııasy janynan qurylǵan arnaıy komıısıa músheleri baqylady.
Zaýyt dırektory Rashıdın Qalıdýllınniń aıtýyna qaraǵanda, bıylǵy kóktemde zaýyt pen óndiristik kooperatıvterdiń balyqshylary baǵaly bekire tuqymdas balyqtar tobyna jatatyn shoqyrdyń 103 danasyn aýlanypty. Onyń ishinde 42 analyq, 61 atalyq balyq bar.
"Bizdiń maqsatymyz –Jaıyq-Kaspıı sý basseınine bekire tuqymdas balyqtar shabaǵyn jiberý. Sol sebepten, shoqyr balyqtarynan jasandy jolmen 60 keli qara ýyldyryq alyndy. Osy maqsatta aýlanǵan shoqyrdyń bárin Kaspıı teńizine jiberdik. Al, búgin Jaıyq ózenine jiberilgen shabaqtar da Kaspıı teńizine jetedi. Shabaqtardyń salmaǵy 5-14 gramm aralyǵyn qurady", - deıdi Rashıdın Qalıdýllın.